ലോക്‌സഭാ തെരഞ്ഞെടുപ്പിനുള്ള ആറാം ഘട്ട സ്ഥാനാര്‍ഥി പട്ടികയുമായി കോണ്‍ഗ്രസ്. ഇത്തവണ അഞ്ചംഗ സ്ഥാനാര്‍ഥി പട്ടികയാണ് പുറത്തുവിട്ടത്. രാജസ്ഥാന്‍, തമിഴ്‌നാട് സംസ്ഥാനങ്ങളിലെ ലോക്‌സഭാ മണ്ഡലങ്ങളിലാണ് പ്രഖ്യാപനം. 

രാജസ്ഥാനിലെ അജ്മീറില്‍ രാമചന്ദ്ര ചൗധരിയും, രാജ്‌സമന്ദില്‍ സുദര്‍ശന്‍ റാവത്തും ജനവിധി തേടും. ഭീല്‍വാരയില്‍ ദാമോദര്‍ ഗുര്‍ജാറും, കോട്ടയില്‍ പ്രഹ്ലാദ് ഗുഞ്ചാലുമാണ് സ്ഥാനാര്‍ഥികള്‍. തമിഴ്‌നാട്ടിലെ തിരുനെല്‍വേലിയില്‍ സി റോബര്‍ട്ട് ബ്രൂസും സ്ഥാനാര്‍ഥിയാവും. 

രാജസ്ഥാനിലെ കോട്ടയില്‍ സ്പീക്കര്‍ ഓം ബിര്‍ളയാണ് ബി.ജെ.പി സ്ഥാനാര്‍ഥി. ബി.ജെ.പിയില്‍ നിന്ന് അടുത്തിടെ രാജിവെച്ച് കോണ്‍ഗ്രസില്‍ ചേര്‍ന്നയാളാണ് പ്രഹ്ലാദ് ഗുഞ്ചാല്‍. കോട്ട പിടിക്കാന്‍ ഇത്തവണ കോണ്‍ഗ്രസ് നിയോഗിച്ചതും ഇദ്ദേഹത്തെയാണ്. പുതിയ പട്ടികയോടെ ഇതുവരെ 190 മണ്ഡലങ്ങളില്‍ കോണ്‍ഗ്രസ് സ്ഥാനാര്‍ഥികളായി.