എം.എഡ് സ്‌പോട്ട് അലോട്ട്‌മെന്റ് 19ന്

കേരള സര്‍വ്വകലാശാലക്ക് കീഴിലെ കോളജുകളിലെ എം.എഡ് സ്‌പോട്ട് അലോട്ട്‌മെന്റ് 19ന് തിരുവനന്തപുരം മാര്‍ തെയോഫിലോസ് ട്രെയ്‌നിങ് കോളജില്‍ നടക്കും. റാങ്ക് ലിസ്റ്റ് 16ന് സര്‍വ്വകലാശാല വെബ്‌സൈറ്റില്‍ പ്രസിദ്ധീകരിക്കും. അപേക്ഷയുടെ പ്രിന്റൗട്ട്, മാര്‍ക്ക് ലിസ്റ്റ്, എലിജിബിലിറ്റി സര്‍ട്ടിഫിക്കറ്റ് (മറ്റു സര്‍വ്വകലാശാലകളില്‍ നിന്നുള്ളവര്‍ക്ക്), സംവരണ യോഗ്യതാ രേഖകള്‍, മെഡിക്കല്‍ സര്‍ട്ടിഫിക്കറ്റ് (ഭിന്നശേഷി), മറ്റു യോഗ്യത സര്‍ട്ടിഫിക്കറ്റുകള്‍ എന്നിവ ഹാജരാക്കണം. എത്താനാകാത്തവര്‍ക്ക് സാക്ഷ്യപത്രവുമായി പ്രതിനിധിയെ അയക്കാം. റാങ്ക് ലിസ്റ്റിലുള്ളവരെ പരിഗണിച്ച ശേഷമുള്ള ഒഴിവുകളിലേക്ക് അഡ്മിഷന്‍ പോര്‍ട്ടലില്‍ രജിസ്റ്റര്‍ ചെയ്തിട്ടില്ലാത്തവരെയും പരിഗണിക്കും.