മോസ്‌കോ: റഷ്യയിലെ ടാട്ടര്‍സ്താന്‍ മേഖലയില്‍ വിമാനം തകര്‍ന്ന് വീണ് 16 പേര്‍ മരിച്ചതായി റിപ്പോര്‍ട്ട്. മെന്‍സെലിന്‍സ്‌ക് നഗരത്തിന് സമീപമാണ് വിമാനം തകര്‍ന്നു വീണതെന്ന് അധികൃതരെ ഉദ്ധരിച്ച് ആര്‍ഐഎ വാര്‍ത്താ ഏജന്‍സി റിപ്പോര്‍ട്ടുചെയ്തു.

എല്‍ 410 വിമാനമാണ് പ്രദേശിക സമയം രാവിലെ 9.23 ന് തകര്‍ന്നുവീണത്. വിമാനത്തില്‍ 23 പേരാണ് ഉണ്ടായിരുന്നത്. 7 പേരെ രക്ഷപ്പെടുത്തി. ഇതില്‍ ഒരാളുടെ നില ഗുരുതരമാണ്.

പാരച്യൂട്ടിങ് ക്ലബിന്റെ ഉടമസ്ഥതിയിലുള്ള വിമാനമാണ് അപകടത്തില്‍പ്പെട്ടത്. പാരച്യൂട്ടിസ്റ്റുകളാണ് മരിച്ചത്.