റിയാദ്: കോഴിക്കോട് സ്വദേശി സഊദിയിലെ ഉനൈസയിൽ മരണപ്പെട്ടു. കോഴിക്കോട് പുന്നശ്ശേരി കാക്കൂർ സ്വദേശി ചെന്നിലേരി വിജയൻ നായരുടെ മകൻ രാജൻ ആണ് മരണപ്പെട്ടത്. അറുപത്തിയാറു വയസായിരുന്നു. ഇന്ന് രാവിലെ താമസ സ്ഥലത്ത് വെച്ച് ഹൃദയാഘാതമുണ്ടായാണ് മരണം.

ഉനൈസയിൽ വെള്ളം വണ്ടിയിൽ ജോലി ചെയ്ത് വരികയായിരുന്നു. മൃതദേഹവുമായി ബന്ധപ്പെട്ട നിയമ നടപടികൾ പൂർത്തിയാക്കുന്നതിന് വേണ്ടി ഉനൈസ കെഎംസിസി സെൻട്രൽ കമ്മിറ്റി ഭാരവാഹികൾ നേതൃത്വം നൽകുന്നു.