അഡിഷണല്‍ സ്‌കില്‍ ഡെവലപ്‌മെന്റ് പ്രോഗ്രാം; ഇപ്പോള്‍ അപേക്ഷിക്കാം

സാങ്കേതിക വിദ്യാഭ്യാസവകുപ്പിനു കീഴിലുള്ള തിരുവനന്തപുരം എന്‍ജിനീയറിങ് കോളജിലെ (CET) മെക്കാനിക്കല്‍ എന്‍ജിനീയറിങ് ഡിപ്പാര്‍ട്ട്‌മെന്റ് Python for Data analytics and Machine Learning ല്‍ അഡിഷണല്‍ സ്‌കില്‍ ഡെവലപ്‌മെന്റ് പ്രോഗ്രാം (ASDP) സ്‌റ്റൈപ്പന്‍ഡോടു കൂടി ജനുവരി എട്ടു മുതല്‍ ഫെബ്രുവരി ഏഴുവരെ നടത്തും.
തൊഴില്‍രഹിതരും സാമ്പത്തികമായി പിന്നാക്കം നില്‍ക്കുന്നവരുമായ യുവജനങ്ങളുടെ നൈപുണ്യ വികസനം ലക്ഷ്യമിട്ട് സൗജന്യമായാണ് കോഴ്‌സ് നടത്തുന്നത്. സയന്‍സ് / ഗണിതശാസ്ത്രത്തില്‍ ബിരുദമോ എന്‍ജിനീയറിങിലോ അനുബന്ധ ബ്രാഞ്ചുകളിലോ ഡിപ്ലോമ/ബിടെക് പൂര്‍ത്തിയാക്കിയ വിദ്യാര്‍ഥികള്‍ക്ക് അപേക്ഷിക്കാം. അവസാന തീയതി ജനുവരി നാല്. വിശദ വിവരങ്ങള്‍ക്ക് www.cet.ac.in സന്ദര്‍ശിക്കുക.