ന്യുഡല്‍ഹി: ഭീകരവാദം വച്ചുപൊറുപ്പിക്കില്ലെന്നും ഇനിയും മിന്നലാക്രമണം നടത്താനറിയാമെന്നും കേന്ദ്രആഭ്യന്തര മന്ത്രി അമിത് ഷാ. അതിര്‍ത്തി കടന്നുള്ള ആക്രമണം അംഗീകരിക്കാനാവില്ലെന്നും അദ്ദേഹം മുന്നറിയിപ്പു നല്‍കി.

ജമ്മു കശ്മീരിലെ പൂഞ്ചില്‍ സുരക്ഷസേനയും ഭീകരരും തമ്മില്‍ കഴിഞ്ഞ ദിവസം നടന്ന ഏറ്റുമുട്ടലില്‍ മലയാളി സൈനികന്‍ അടക്കം അഞ്ചു സൈനികര്‍ മരിച്ചിരുന്നു. ഈ സാഹചര്യത്തിലാണ് പ്രതികരണം. തീവ്രവാദികളോട് അനുഭാവമുള്ള 700 പേരെ കശ്മീരില്‍ തടവിലാക്കി. ജവാന്മാരുടെ ത്യാഗത്തെ രാജ്യം എന്നും സ്മരിക്കുന്നതായി സൈന്യം അറിയിച്ചു. പൂഞ്ചില്‍ പീര്‍പഞ്ചാള്‍ മേഖലയിലാണ് കഴിഞ്ഞ ദിവസം ഏറ്റുമുട്ടല്‍ നടന്നത്.