തിരൂര്‍: ഉണ്യാല്‍ ആലിന്‍ചുവട്ടിലുണ്ടായ സംഘര്‍ഷത്തില്‍ രണ്ടു പേര്‍ കൂടി അറസ്റ്റില്‍. ഉണ്യാല്‍ പള്ളീമാന്റെ പുരക്കല്‍ ഹര്‍ഷാദ് (24), കുഞ്ഞാരക്കടവത്ത് അബ്ദുല്‍നാസിക് (23) എന്നിവരെയാണ് താനൂര്‍ സി.ഐ അലവിയും സംഘവും അറസ്റ്റ് ചെയ്തത്. കഴിഞ്ഞ ദിവസം രാത്രി പരപ്പനങ്ങാടി കടപ്പുറത്ത് നിന്നാണ് ഇവര്‍ പിടിയിലായത്. സംഭവസ്ഥലത്തു നിന്നു കടല്‍മാര്‍ഗം രക്ഷപ്പെട്ട പ്രതികള്‍ പിന്നീടുണ്ടായ അക്രമ സംഭവങ്ങളില്‍ ഉള്‍പ്പെട്ടിട്ടില്ല. എന്നാല്‍ ആലിന്‍ചുവട് വീടുകള്‍ അക്രമിച്ച പ്രതികളെ ഇതുവരേ പിടികൂടാന്‍ പൊലിസിനായിട്ടില്ല. പ്രദേശത്ത് നിരവധി വീടുകളും വാഹനങ്ങളും നശിപ്പിക്കപ്പെട്ടിരുന്നു.