പുതുവത്സരം ആഘോഷിക്കാൻ ബസിൽ പോകാം; ബുർജ് ഖലീഫ മേഖലയിലേക്കും തിരിച്ചുമുള്ള യാത്ര സൗജന്യം

ദുബൈ: പുതുവത്സരാഘോഷത്തോടനുബന്ധിച്ച് ബുർജ് ഖലീഫ മേഖലയിലേക്കും തിരിച്ചുമുള്ള യാത്രക്കാർക്ക് സൗജന്യ ബസ് സർവീസ് പ്രഖ്യാപിച്ച് ആർടിഎ. മെട്രോ സ്റ്റേഷനുകളിലേക്കും ടാക്സി സ്റ്റോപ്പുകളിലേക്കും ബുർജ് ഖലീഫയ്ക്ക് സമീപമുള്ള ആഘോഷ പ്രദേശങ്ങളിലേക്കും തിരിച്ചും സൗജന്യ യാത്രകൾ ലഭ്യമാകും.

ആഘോഷവേളയിൽ യാത്രക്കാരുടെ സൗകര്യം ഉറപ്പാക്കുക എന്ന ആർടിഎയുടെ ലക്ഷ്യത്തിന് അനുസൃതമായാണ് യാത്രക്കാർക്ക് സൗജന്യ ബസ് സർവീസ് പ്രഖ്യാപിച്ചത്.