തിരുവനന്തപുരം: ദലിതരെ കോണ്‍ഗ്രസിലെ താക്കോല്‍ സ്ഥാനങ്ങളിലേക്കു കൊണ്ടുവരണമെന്ന് കൊടിക്കുന്നില്‍ സുരേഷ് എം.പി. കെ.പി.സി.സി ആസ്ഥാനത്ത് സംഘടിപ്പിച്ച അയ്യങ്കാളി അനുസ്മരണ പരിപാടിയിലാണ് അദ്ദേഹം തന്റെ നിലപാട് ആവര്‍ത്തിച്ചത്. കെ.പി.സി.സി പ്രസിഡന്റും മുഖ്യമന്ത്രിയും ആകാന്‍ കഴിവുള്ള ദലിതര്‍ കോണ്‍ഗ്രസിലുണ്ട്. അവര്‍ക്ക് അര്‍ഹമായ സ്ഥാനം നല്‍കണം. ദലിതര്‍ക്ക് അര്‍ഹമായ സ്ഥാനം നല്‍കണം. മറ്റു സംസ്ഥാനങ്ങളില്‍ ദലിതര്‍ക്ക് കോണ്‍ഗ്രസ് താക്കോല്‍ സ്ഥാനങ്ങള്‍ നല്‍കിയിട്ടുണ്ട്. കെ.പി.സി.സി പ്രസിഡന്റ് വി.എം സുധീരന്‍, എ.ഐ.സി.സി സെക്രട്ടറി ദീപക് ബാബറിയ എന്നിവരുടെ സാന്നിധ്യത്തിലായിരുന്നു കൊടിക്കുന്നിലിന്റെ അഭിപ്രായപ്രകടനം.