തലയോലപ്പറമ്പ്: കോട്ടയം തലയോലപ്പറമ്പില്‍ പേപ്പട്ടിയുടെ കടിയേറ്റ് വിദ്യാര്‍ഥി ഉള്‍പ്പെടെ ആറു പേര്‍ക്ക് പരുക്ക്.
പാലാംകടവ് ഇലഞ്ഞിയില്‍ പരേതനായ രമണന്റെ ഭാര്യ സൗമ്യാ സദനത്തില്‍ സതി (53), കണ്ടത്തില്‍ ഷെജീറിന്റെ ഭാര്യ നുസ്രത്ത് (33), കൈവേലിക്കകത്ത് ഹംസയുടെ ഭാര്യ പാത്തുമ്മ (53), ശ്രീവല്‍സത്തില്‍ രാധാകൃഷ്ണന്റെ ഭാര്യ ലത (43), പാടത്ത് സുരേഷ് (45), വിവാഹചടങ്ങിനെത്തിയ പത്തുവയസുകാരനായ വിദ്യാര്‍ഥി എന്നിവര്‍ക്കാണ് കടിയേറ്റത്.
ഇവരെ കോട്ടയം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. കാലിനും മുഖത്തും കൈകള്‍ക്കുമാണ് എല്ലാവര്‍ക്കും പരുക്ക്. ഇന്നലെ രാവിലെ ഏഴോടെ പാലാംകടവിലാണ് സംഭവം. പ്രദേശത്തെ നിരവധി വളര്‍ത്തുമൃഗങ്ങളെയും നായ കടിച്ചിട്ടുണ്ട്. പേപ്പട്ടിയെ പിന്നീട് നാട്ടുകാര്‍ തല്ലിക്കൊന്നു. ഇവരെക്കൂടാതെ കോട്ടയം ഇളമ്പള്ളി സ്വദേശി സാബുവിനും തെരുവുനായയുടെ കടിയേറ്റു.