ഷാര്‍ജ: അബ്ദുല്ലക്കുട്ടി ചേറ്റുവയുടെ പ്രഥമ കാവ്യസമാഹാരം 'കൈത്തിരി വെട്ടം' നാല്‍പ്പതാം ഷാര്‍ജ അന്താരാഷ്ട്ര പുസ്തകോത്സവത്തില്‍ വെച്ച് പ്രകാശനം ചെയ്തു. പി.കെ അന്‍വര്‍ നഹ അഡ്വ. വൈ.എ റഹീമിന് കൈമാറിയാണ് പുസ്തക പ്രകാശനം നിര്‍വഹിച്ചത്. പ്രമുഖ എഴുത്തുകാരനും വാഗ്മിയുമായ ബഷീര്‍ തിക്കോടി പുസ്തകത്തെയും എഴുത്തുകാരനെയും പരിചയപ്പെടുത്തി.

നവാസ് പൂനൂര്‍, ഹാഫിസ് മുഹമ്മദ്, സൈനുദ്ധീന്‍ പുന്നയൂര്‍ക്കുളം, പുന്നക്കന്‍ മുഹമ്മദ് അലി, മുഹമ്മദ് വെട്ടുകാട്, നെല്ലറ ശംസുദ്ധീന്‍, ഉബൈദ് ചേറ്റുവ എന്നിവര്‍ സംസാരിച്ചു. ലിപി പബ്ലിക്കേഷന്‍ മാനേജിങ് ഡയറക്ടര്‍ എം.വി അക്ബര്‍, എം.എ സുഹൈല്‍ പരിപാടി നിയന്ത്രിച്ചു. ജലീല്‍ പട്ടാമ്പി, അസീസ് പാലേരി, ഫൈസല്‍ എളേറ്റില്‍, റഹീം വെന്‍കിടങ്ങ് എന്നിവര്‍ സംബന്ധിച്ചു. അബ്ദുല്ലക്കുട്ടി ചേറ്റുവ നന്ദി പറഞ്ഞു.