പാലക്കാട്: പാലക്കാട് കണ്ണന്നൂരില്‍ ആയുധങ്ങള്‍ ഉപേക്ഷിച്ച നിലയില്‍ കണ്ടെത്തി. ദേശീയപാതയ്ക്ക് അരികിലാണ് വടിവാളുകളാണ് കണ്ടെത്തിയത്. ദേശീയപാതയോരത്ത് ചേര്‍ന്നുള്ള കുറ്റിക്കാട്ടിലാണ് ആയുധങ്ങള്‍ ഉപേക്ഷിച്ച നിലയില്‍ കണ്ടെത്തിയത്.

കഴിഞ്ഞദിവസം ആര്‍.എസ്.എസ് പ്രവര്‍ത്തകന്‍ സഞ്ജിത്തിനെ കൊലപ്പെടുത്തിയതിന് ശേഷം ഉപേക്ഷിച്ച ആയുധങ്ങളെന്നാണ് പൊലിസിന്റെ പ്രാഥമിക നിഗമനം. ആയുധങ്ങളില്‍ രക്തക്കറയും മുടിനാരിഴയും കണ്ടെത്തിയിട്ടുണ്ട്.

കഴിഞ്ഞദിവസം സഞ്ജിത്തിനെ കൊലപ്പെടുത്തിയ സ്ഥലവും ആയുധം കണ്ടെത്തിയ കണ്ണന്നൂരുമായി മൂന്ന് കിലോമീറ്റര്‍ മാത്രം വ്യത്യാസമാണുള്ളത്. ഈ സാഹചര്യത്തിാണ് കൊലപാതകത്തിന് ഉപയോഗിച്ച ആയുധങ്ങളാണ് ഇതെന്ന് പൊലിസ് സംശയിക്കുന്നത്.

സഞ്ജിത്തിനെ കൊലപ്പെടുത്തിയ പ്രതികള്‍ ഉപയോഗിച്ചിരുന്ന വെള്ള മാരുതി 800 കാര്‍ തൃശൂര്‍ ഭാഗത്തേക്ക് പോയെന്നാണ് പൊലീസിന് ലഭിച്ച വിവരം. ഈ കാര്‍ കണ്ടെത്താന്‍ പാലിയേക്കര ടോളിലെ സിസിടിവി ദൃശ്യങ്ങള്‍ ശേഖരിക്കും.