ഡല്‍ഹി: പാര്‍ലമെന്റിന്റെ ശീതകാല സമ്മേളനം തുടങ്ങുന്നതിന് മുന്നോടിയായി സര്‍വകക്ഷിയോഗം വിളിച്ചു ചേര്‍ക്കാന്‍ പ്രധാനമന്ത്രി നരേന്ദ്ര മോദി.

കാര്‍ഷിക നിയമങ്ങള്‍ പിന്‍വലിക്കുന്നതും വിളകള്‍ക്ക് മിനിമം താങ്ങുവില ഏര്‍പ്പെടുത്തുന്നത് സംബന്ധിച്ചുള്ള നടപടി സ്വീകരിക്കുന്നതും യോഗത്തില്‍ പ്രധാന ചര്‍ച്ചയാവും. നവംബര്‍ 28 ന് 11 മണിക്കായിരിക്കും യോഗം ചേരുക. ഞായറാഴ്ച വൈകുന്നേരം മൂന്ന് മണിക്ക് ബി.ജെ.പിയുടെ പാര്‍ലമെന്ററി മീറ്റിങുമുണ്ടാവും. എന്‍.ഡി.എ നേതാക്കള്‍ ഈ മീറ്റിങില്‍ പങ്കെടുക്കും.

ബുധനാഴ്ച ചേരുന്ന നിര്‍ണായകമായ പാര്‍ലമെന്റ് സെഷനിലായിരിക്കും കാര്‍ഷിക നിയമങ്ങള്‍ പിന്‍വലിക്കുക. ഇതിനൊപ്പം മിനിമം താങ്ങുവില ഉറപ്പാക്കുന്ന നിയമനിര്‍മാണം നടത്താനും പ്രതിപക്ഷം ആവശ്യപ്പെടും.

മിനിമം താങ്ങുവില ഏര്‍പ്പാടാക്കുന്നത് സംബന്ധിച്ച് നടപടികള്‍ സ്വീകരിച്ചില്ലെങ്കില്‍ സമരം പിന്‍വലിക്കില്ല എന്ന നിലപാടിലാണ് കര്‍ഷകര്‍.