മലപ്പുറം: രാഷ്ട്രീയ പാര്‍ട്ടിക്ക് പകരം സാമൂഹിക കൂട്ടായ്മ പ്രഖ്യാപിക്കാന്‍ ഒരുങ്ങി പി. വി അന്‍വര്‍ എംഎല്‍എ. 'ഡെമോക്രാറ്റിക് മൂവ്‌മെന്റ് ഓഫ് കേരള' എന്ന പേരിലാണ് കൂട്ടായ്മ. അന്‍വര്‍ പൊതുസമ്മേളന വേദിയിലെത്തി. അല്‍പസമയത്തിനകം നയപ്രഖ്യാപന സമ്മേളനം ആരംഭിക്കും. 

അതേസമയം ട്രാഫിക്ക് നിയന്ത്രണത്തിന്റെ പേരില്‍ പലയിടത്തും വാഹനങ്ങള്‍ പൊലിസ് തടയുകയാണെന്ന് പി വി അന്‍വര്‍ മാധ്യമങ്ങളോട് പ്രതികരിച്ചു. 'കിലോമീറ്ററുകള്‍ അപ്പുറത്ത് വെച്ച് പൊലീസ് വാഹനം നിയന്ത്രിക്കുകയാണ്. തന്നെ തോല്‍പ്പിക്കാനുളള ശ്രമങ്ങളാണ് നടക്കുന്നത്. സംസ്ഥാനത്തെ ഡിഎംകെ നേതാക്കളുടെ വീട്ടില്‍ പൊലീസെത്തിയിരിക്കുന്നു, നിങ്ങള്‍ക്ക് കളളക്കടത്തുമായി എന്ത് ബന്ധമെന്നാണ് ചോദ്യം. ഇതെല്ലാം  ഇവിടെ നടക്കുന്നുണ്ടെന്നും അന്‍വര്‍ പ്രതികരിച്ചു. 

ഡിഎംകെയുമായി ബന്ധപ്പെട്ട ചോദ്യങ്ങളില്‍ ഒഴിഞ്ഞ് മാറിയ അന്‍വര്‍ അപ്പുറം പാക്കലാം തമ്പീയെന്ന് മറുപടി പറഞ്ഞു. മുഴുവനായി തമിഴിലേക്ക് മാറിയോ എന്ന ചോദ്യത്തോട് 'തമിഴ് മട്ടും താ ഇനി പേസും' എന്നും പ്രതികരിച്ചു. തമിഴ് ബന്ധം ഉറപ്പിച്ചോ എന്ന ചോദ്യത്തോട് എപ്പോഴെ ഉറപ്പിച്ചു എന്നുമായിരുന്നു അന്‍വറിന്റെ മറുപടി.

That's Beyond Limits"; Anwar Responds in Tamil,