മഞ്ചേരി: പി.വി. അന്‍വര്‍ എം.എല്‍.എ.യുടെ പുതിയ രാഷ്ട്രീയപ്പാര്‍ട്ടി പ്രഖ്യാപനവുമായി ബന്ധപ്പെട്ട നയവിശദീകരണ സമ്മേളനം അല്പസമയത്തിനകം മഞ്ചേരിയില്‍ നടക്കും. ആറുമണിക്ക് ജസീല ജങ്ഷനുസമീപം പ്രത്യേകം സജ്ജമാക്കിയ വേദിയിലാണ് സമ്മേളനം.

രണ്ടായിരത്തോളം പേര്‍ക്ക് ഇരുന്ന് സമ്മേളനം കാണാനുള്ള സൗകര്യമുള്ള രീതിയിലാണ് പന്തല്‍  ഒരുക്കിയിട്ടുള്ളത്. കൂടുതല്‍ പേരെത്തിയാല്‍ പന്തലിന് പുറത്ത് സ്ഥാപിച്ച സ്‌ക്രീനുകള്‍ വഴി സമ്മേളനം കാണനാകും. ഒരുലക്ഷം പേര്‍ പരിപാടിയില്‍ പങ്കെടുക്കുമെന്നാണ് അന്‍വര്‍ അവകാശപ്പെടുന്നത്.

അതേസമയം ആയിരങ്ങള്‍ സമ്മേളനത്തിന് എത്തും എന്നാണ് പൊലിസ് രഹസ്യാന്വേഷണ വിഭാഗത്തിന്റെ കണ്ടെത്തല്‍. കനത്ത പൊലിസ് സേനയെയാണ് ക്രമസമാധാന പാലനത്തിനായി നഗരത്തില്‍ വിന്യസിച്ചിട്ടുള്ളത്. മലപ്പുറം ഡിവൈ.എസ്.പി.ക്കാണ് ചുമതല. നഗരത്തില്‍ വൈകീട്ട് ഗതാഗതനിയന്ത്രണവും ഏര്‍പ്പെടുത്തിയിട്ടുണ്ട്.

PV Anvar schedules urgent press conference to address pressing issues and clear air on recent speculations.