മനാമ: യാത്രക്കാർക്ക് ഇഫ്താർ കിറ്റുകൾ വിതരണം ചെയ്ത് ബഹ്റൈൻ എസ്.കെ.എസ്.എസ്.എഫ്. സമസ്ത ബഹ്റൈൻ വർക്കിംഗ് പ്രസിഡൻ്റ് വി.കെ കുഞ്ഞഹമദ് ഹാജിയുടെ നേതൃത്വത്തിലാണ് ഇഫ്ത്താർ ടെൻ്റ് വഴി യാത്രക്കാർക്ക് ഭക്ഷണം വിതരണം ചെയ്തത്. ക്യാപിറ്റൽ ഗവർണറേറ്റ് ഡയറക്ടറൈറ്റ് ഓഫ് ഇൻഫർമേഷൻ ഡിപ്പാർട്ട്മെൻ്റിൽ നിന്നും ആവശ്യക്കാർക്ക് വിതരണം ചെയ്യാൻ സമസ്ത ബഹ്‌റൈൻ ഘടകത്തെ ഏൽപ്പിച്ച കിറ്റാണ് വിതരണം ചെയ്‍തത്.

ഇഫ്ത്താർ കിറ്റ് കാപിറ്റൽ ഗവർണറൈറ്റ് ഡയരക്ടർ യൂസഫ് ലോറിയിൽ നിന്ന് സമസ്ത ബഹ്റൈൻ ജനറൽ സെക്രട്ടറി എസ്.എം അബ്ദുൽ വാഹിദ് സാഹിബ് ഏറ്റുവാങ്ങി. ശേഷം ഈ കിറ്റുകൾ കുഞ്ഞഹമദ് ഹാജിയുടെ നേതൃത്വത്തിൽ എസ്.കെ.എസ്.എസ്.എഫ് വിഖായ പ്രവർത്തകർ ആവശ്യക്കാർക്ക് എത്തിച്ച് നൽകുകയായിരുന്നു.