കല്‍പ്പറ്റ: പണ്ഡിതനും കാന്തപുരം വിഭാഗം പണ്ഡിതസഭാ നേതാവുമായ കൈപ്പാണി അബൂബക്കര്‍ ഫൈസി(73) അന്തരിച്ചു. വ്യാഴാഴ്ച രാത്രി എട്ടരയോടെ ആയിരുന്നു അന്ത്യം. സമസ്ത കേരള സുന്നി യുവജന സംഘത്തിന്റെ ആദ്യകാല സംഘാടകരില്‍ പ്രധാനി ആയിരുന്നു.

വെള്ളമുണ്ട, കെല്ലൂര്‍ അഞ്ചാം മൈല്‍, മുയിപ്പോത്ത്, ഉരുളിക്കുന്ന്, കത്തറമ്മല്‍, ഒടുങ്ങാക്കാട്, കൂരാച്ചുണ്ട്, മാനന്തവാടി ജുമാ മസ്ജിദുകളിലായി അഞ്ചു പതിറ്റാണ്ടോളം അധ്യാപകനായി സേവനം ചെയ്തു.
സമസ്ത വയനാട് ജില്ലാ ജനറല്‍ സെക്രട്ടറിയും ദാറുല്‍ ഫലാഹില്‍ ഇസ്ലാമിയ്യ പ്രിന്‍സിപ്പലും ആയിരുന്നു.
ഭാര്യ: നഫീസ. മക്കള്‍; മുഹമ്മദലി, അനസ്, അനീസ, മുബീന, തുഹ്റ, നുസൈബ, ജാമാതാക്കള്‍. ഹാഫിള് സജീര്‍, ജാഫര്‍, ബഷീര്‍, ഷൗക്കത്തലി. ഖബറടക്കം വെള്ളിയാഴ്ച ഒന്‍പത് മണിക്ക് വെള്ളമുണ്ട എട്ടേനാല്‍ ജുമാ മസ്ജിദ് ഖബര്‍ സ്ഥാനില്‍.