ഇന്ത്യയിലെ വിവിധ സര്‍വകലാശാലകളില്‍ അണ്ടര്‍ ഗ്രാജ്വേറ്റ് കോഴ്‌സുകളിലെ പ്രവേശനത്തിനുള്ള ദേശീയ പൊതു പരീക്ഷ (സിയുഇടി- യുജി- 2024) മേയ് 15 മുതല്‍ 24 വരെ നടത്തുമെന്ന് നാഷനല്‍ ടെസ്റ്റിങ് ഏജന്‍സി അറിയിച്ചു. മേയ് 15 മുതല്‍ 31 വരെ എന്നാണ് നേരത്തെ വിജ്ഞാപനം ചെയ്തിരുന്നത്. ആകെ 63 ടെസ്റ്റ് പേപ്പറുകള്‍. 

പരീക്ഷ കേന്ദ്രങ്ങള്‍
ആകെ 380 പരീക്ഷ കേന്ദ്രങ്ങളുണ്ട്. ഇതില്‍ വിദേശ സെന്ററുകള്‍ 26 എണ്ണമാണ് ഉള്ളത്. ഇത്തവണ ആകെ 13.48 ലക്ഷം കുട്ടികളാണ് പരീക്ഷയെഴുതുന്നത്. 

രാവിലെയും ഉച്ചകഴിഞ്ഞുമായി ദിവസവും 4 ഷിഫ്റ്റുകളിലാണ് പരീക്ഷ നടക്കുന്നത്. ഓരോ ദിവസവും, ഓരോ ഷിഫ്റ്റിലും സമയവും വിഷയവും കാണിക്കുന്ന പട്ടികയും വിജ്ഞാപനത്തിലുണ്ട്. 

പരീക്ഷ തീയതി
മെയ് 15, 16, 17, 18 തീയതികളില്‍ പെന്‍& പേപ്പര്‍ ഓഫ്‌ലൈന്‍ ടെസ്റ്റ്. 21, 22, 23, 24 തീയതികളില്‍ കമ്പ്യൂട്ടര്‍ അധിഷ്ഠിത ടെസ്റ്റ് നടക്കും. ഷെഡ്യൂള്‍ സംബന്ധിച്ച കൂടുതല്‍ വിവരങ്ങള്‍ക്ക് വിജ്ഞാപനത്തിലെ ഒന്നും, രണ്ടും അനുബന്ധങ്ങള്‍ കാണുക. 

പരീക്ഷ സമയം
ആകെ 63 ടെസ്റ്റ് പേപ്പറുകള്‍. ഓരോ പേപ്പറിനും 45 മിനുട്ട് അക്കൗണ്ടന്‍സി, ഇക്കണോമിക്‌സ്, ഫിസിക്‌സ്, കമ്പ്യൂട്ടര്‍ സയന്‍സ്/ ഇന്‍ഫര്‍മേഷന്‍ പ്രാക്ടീസസ്, കെമിസ്ട്രി, മാത് സ്, അപ്ലൈഡ് മാത് സ്, ജനറല്‍ ടെസ്റ്റ് എന്നിവയ്ക്ക് 60 മിനുട്ട്. 

കൂടുതല്‍ വിവരങ്ങള്‍ക്ക് https://exams.nta.ac.in/CUET-UG സന്ദര്‍ശിക്കുക. (20ന് പ്രസിദ്ധപ്പെടുത്തിയ ഷെഡ്യൂള്‍). 

ഹെല്‍പ്പ് ലൈന്‍: 011 40759000, [email protected] 

വിദ്യാഭ്യാസ വാർത്തകള്‍ വാട്സ്ആപ്പിൽ ലഭിക്കാന്‍ ക്ലിക് ചെയ്യുക