ശ്രീ ശങ്കരാചാര്യ സംസ്‌കൃത സര്‍വകലാശാലയുടെ പിജി പ്രോഗ്രാമുകളിലേക്കുള്ള 202425 അധ്യയനവര്‍ഷത്തെ പ്രവേശന അപേക്ഷാതീയതി മെയ് 5 വരെ നീട്ടിയതായി സര്‍വകലാശാല അറിയിച്ചു.
സര്‍വകലാശാലയുടെ മുഖ്യ കേന്ദ്രത്തിലും വിവിധ പ്രാദേശിക ക്യാമ്പസുകളിലേക്കുമുള്ള പിജി കോഴ്‌സുകളിലേക്കാണ് പ്രവേശനം.
എം.എസ്.സി, എം.എസ്.ഡബ്ല്യു, എം.എഫ്.എ, എം.പി.ഇ.എസ്, പിജി ഡിപ്ലോമ പ്രോഗ്രാമുകളിലേക്കുള്ള അപേക്ഷാതീയതിയാണ് നീട്ടിയത്. അവസാനവര്‍ഷ പരീക്ഷ എഴുതുന്നവര്‍ക്കും ഫലം കാത്തിരിക്കുന്നവര്‍ക്കും അപേക്ഷിക്കാം 

മെയ് 15 മുതല്‍ 18 വരെ സര്‍വകലാശാലയുടെ മുഖ്യ ക്യാമ്പസിലും പ്രാദേശിക ക്യാമ്പസ്സുകളിലുമാണ് പ്രവേശന പരീക്ഷ നടക്കുന്നത്.
മെയ് അവസാനം ഫലം പ്രസിദ്ധീകരിക്കും.
ജൂണ്‍ 19ന് പിജി ക്ലാസുകള്‍ ആരംഭിക്കാനാണ് തീരുമാനം.

കൂടുതല്‍ വിവരങ്ങള്‍ക്ക്
www.ssus.ac.in.