എല്‍.ഡി.എഫ് കണ്‍വീനറും, സി.പി.എം നേതാവുമായ ഇ.പി ജയരാജനെതിരെ ആരോപണവുമായി ബിജെപി നേതാവ് ശോഭ സുരേന്ദ്രന്‍. തങ്ങള്‍ ബിജെപിയിലേക്ക് എത്തിക്കാന്‍ ചര്‍ച്ച നടത്തിയ നേതാവ് ഇ.പിയാണെന്ന് ആരോപിച്ച ശോഭ തെളിവുകളും ഹാജരാക്കി.ബിജെപിയില്‍ ചേരുന്നതിനുള്ള 90 ശതമാനം ചര്‍ച്ചകളും പൂര്‍ത്തിയായിരുന്നു. പിന്നെ എന്തുകൊണ്ട് പിന്മാറിയെന്നു ജയരാജന്‍ പറയട്ടെയെന്നും ശോഭ സുരേന്ദ്രന്‍ വാര്‍ത്താ സമ്മേളനത്തില്‍ പറഞ്ഞു. 

ഇ പി ജയരാജന്റെ മകന്റെ നമ്പറിലൂടെയാണ് തന്നെ ആദ്യം ബന്ധപ്പെട്ടത്. നോട്ട് മൈ നമ്പര്‍ എന്ന് ഇപി ജയരാജന്റെ മകന്‍ വാട്ട്‌സ് ആപ്പിലൂടെ മെസേജ് അയച്ചെന്നും ശോഭ തെളിവുകള്‍ ഹാജരാക്കി വ്യക്തമാക്കി. പിന്നീട് ഇപി പിന്‍മാറിയത് എന്തുകൊണ്ടാണെന്ന് പിണറായിക്ക് അറിയാമെന്നും ശോഭ ആരോപിച്ചു. ഇപിയും ഭാര്യയും ജീവിച്ചിരിക്കണം എന്ന് തനിക്ക് ആഗ്രഹം ഉണ്ടെന്നും ശോഭ സുരേന്ദ്രന്‍ കൂട്ടിച്ചേര്‍ത്തു. ഇപിയുമായുള്ള ദില്ലി ചര്‍ച്ചക്ക് തനിക്ക് ടിക്കറ്റ് അയച്ചു തന്നത് നന്ദകുമാര്‍ ആണെന്നും കൊച്ചി -കോയമ്പത്തൂര്‍, കോയമ്പത്തൂര്‍ -ദില്ലി ടിക്കറ്റ് ആണ് അയച്ചതെന്ന് പറഞ്ഞ ശോഭ സുരേന്ദ്രന്‍, നന്ദകുമാര്‍ വാട്‌സപ്പില്‍ അയച്ച ടിക്കറ്റും ഹാജരാക്കി.