സംസ്ഥാനത്ത് 20 മണ്ഡലങ്ങളിലും വോട്ടെടുപ്പ് തുടങ്ങി. എന്നാല്‍ ഉയര്‍ന്നു വരുന്ന തീവ്രമായ ചൂട് വെല്ലുവിളിയാകുമോ എന്നത് ആശങ്കയുണ്ടാക്കി. ഇന്ന് പാലക്കാട് 41 ഡിഗ്രി വരെ ചൂട് കൂടും എന്നാണ് കാലാവസ്ഥാ നിരീക്ഷണ കേന്ദ്രത്തിന്റെ പ്രവചനം. മറ്റ് ജില്ലകളിലും കനത്ത ചൂട് ഉണ്ടാകുമെന്നാണ് മുന്നറിയിപ്പ്. 

പോളിങ് ബൂത്തിലേക്ക് വോട്ടര്‍മാര്‍ പോകുമ്പോള്‍ ഇവ ശ്രദ്ധിക്കുക

 തൊപ്പിയോ കുടയോ കൈയില്‍ കരുതുക

അയഞ്ഞ കോട്ടന്‍ വസ്ത്രങ്ങള്‍ ധരിക്കുക, വെള്ളം കരുതുക,

വരിയില്‍ നില്‍ക്കുമ്പോള്‍ വെയില്‍ നേരിട്ട് ശരീരത്തില്‍ ഏല്‍ക്കാതിരിക്കാന്‍ ശ്രദ്ധിക്കുക.

സണ്‍സ്‌ക്രീന്‍ നിര്‍ബന്ധമായി പുരട്ടുക.

കുട്ടികളെ പോളിങ് ബൂത്തിലേക്ക് കൊണ്ടുപോകുന്നത്  ഒഴിവാക്കുക

ഗര്‍ഭിണികള്‍, രോഗികള്‍ എന്നിവര്‍ പ്രത്യേകം ശ്രദ്ധിക്കുക

ശാരീരിക ബുദ്ധിമുട്ട് അനുഭവപ്പെട്ടാല്‍ ഉടന്‍ ആരോഗ്യകേന്ദ്രവുമായി ബന്ധപ്പെടുക.

കനത്ത ചൂട് നിലനില്‍ക്കുന്ന സാഹചര്യമായതിനാല്‍ പോളിങ് സ്റ്റേഷനുകളില്‍ അവശ്യ സൗകര്യങ്ങളെല്ലാം ഒരുക്കണമെന്ന് തെരഞ്ഞെടുപ്പ് കമ്മീഷന്‍ നിര്‍ദേശിച്ചിട്ടുണ്ട്. ഇതുപ്രകാരം കുടിവെള്ളം, ക്യൂനില്‍ക്കുന്നവര്‍ക്ക് തണല്‍, മുതിര്‍ന്ന വോട്ടര്‍മാര്‍ക്ക് ഇരിപ്പിടം, ഭിന്നശേഷിക്കാര്‍ക്ക് വീല്‍ ചെയര്‍ ഉള്‍പ്പടെയുള്ള സൗകര്യങ്ങള്‍, ടോയ്ലറ്റ് സംവിധാനം തുടങ്ങിയ എല്ലാ പോളിങ് ബൂത്തിലും ഒരുക്കിയിട്ടുണ്ട്.