ചെറുതോണി : കേന്ദ്ര-സംസ്ഥാന സര്‍ക്കാരുകളുടെ തൊഴിലാളി വിരുദ്ധ നയങ്ങള്‍ തിരുത്തണമെന്നാവശ്യപ്പെട്ടു നടത്തുന്ന സെപ്റ്റംബര്‍ 2 ലെ പണിമുടക്കില്‍  എന്‍.ജി.ഒ അസോസിയേഷന്‍ ഉള്‍പ്പെടെയുള്ള സെറ്റോ സംഘടനകള്‍  പങ്കെടുക്കും. സംസ്ഥാന സര്‍ക്കാര്‍ ജീവനക്കാരുടെ മാനദണ്ഡ വിരുദ്ധ സ്ഥലംമാറ്റ ഉത്തരവുകള്‍ റദ്ദുചെയ്യുക, സര്‍വ്വീസിലുള്ള എല്ലാ അധ്യാപകര്‍ക്കും ശമ്പളം നല്‍കുക, വിലക്കയറ്റം തടയുക, ആദായ നികുതി പരിധി ഉയര്‍ത്തുക, ബോണസിന്റെ പരിധി എടുത്തുകളയുക, വര്‍ഗ്ഗീയ-ഫാസിസ്റ്റ് അക്രമങ്ങള്‍ ചെറുക്കുക തുടങ്ങിയ ആവശ്യങ്ങള്‍ ഉന്നയിച്ചുകൊണ്ട് നടത്തുന്ന പണിമുടക്കില്‍ സംസ്ഥാനത്തെ മുഴുവന്‍ അധ്യാപകരും ജീവനക്കാരും പങ്കെടുക്കുകയാണ്. ഇടുക്കി ജില്ലയിലെ പണിമുടക്ക് നോട്ടീസ് ജില്ലാ കലക്ടര്‍ക്ക് സെറ്റോ ചെയര്‍മാന്‍ റോയി ജോര്‍ജ്ജ്, എന്‍.ജി.ഒ അസോസിയേഷന്‍ സംസ്ഥാന സെക്രട്ടറി കെ.എ മാത്യു എന്നിവരുടെ നേതൃത്വത്തില്‍ എന്‍.ജി.ഒ അസോസിയേഷന്‍ ജില്ലാ പ്രസിഡന്റ് സണ്ണി മാത്യു കൈമാറി.