കേരള സര്‍ക്കാര്‍ സ്ഥാപനമായ ഒഡാപെക് മുഖേന വീണ്ടും വിദേശ റിക്രൂട്ട്‌മെന്റ്. ഇത്തവണ തുര്‍ക്കിയിലെ പ്രമുഖ കപ്പല്‍ശാലയിലേക്കാണ് ജോലിക്കാരെ നിയമിക്കുന്നത്. വിവിധ എഞ്ചിനീയര്‍ പോസ്റ്റുകളില്‍ തെരഞ്ഞെടുക്കപ്പെടുന്നവര്‍ക്ക് ഉയര്‍ന്ന ശമ്പളവും മറ്റ് ആനുകൂല്യങ്ങളും ലഭിക്കും.

ബന്ധപ്പെട്ട വിഷയത്തിലുള്ള ബാച്ചിലര്‍ ഡിഗ്രിയാണ് അടിസ്ഥാന യോഗ്യതയായി ചോദിച്ചിട്ടുള്ളത്. കൂട്ടത്തില്‍ കപ്പല്‍ നിര്‍മാണശാലയില്‍ കുറഞ്ഞത് അഞ്ച് വര്‍ഷത്തെ പ്രവൃത്തി പരിചയവും വേണം. കൂട്ടത്തില്‍ ഉദ്യോഗാര്‍ഥികള്‍ക്ക് ഇംഗ്ലീഷ് ഭാഷയിലുള്ള പരിജ്ഞാനവും ഉണ്ടായിരിക്കണം. 

തസ്തിക
മെക്കാനിക്കല്‍ എഞ്ചിനീയര്‍, പൈപ്പിങ് എഞ്ചിനീയര്‍, ഇലക്ട്രിക്കല്‍ എഞ്ചിനീയര്‍ പോസ്റ്റുകളിലാണ് ഒഴിവുള്ളത്. ഈ മേഖലകളിലെ എഞ്ചിനീയറിങ് ബിരുദമുള്ളവര്‍ക്കും, കപ്പല്‍ ശാലയില്‍ അഞ്ചുവര്‍ഷത്തെ പ്രവൃത്തി പരിചയമുള്ളവര്‍ക്കും അപേക്ഷിക്കാം. 

ശമ്പളം
പ്രവൃത്തി പരിചയത്തിനനുസരിച്ച് 2000 മുതല്‍ 2500 യു.എസ് ഡോളര്‍ വരെയാണ് ശമ്പളമായി ലഭിക്കുക.

ഭക്ഷണവും, താമസവും സൗജന്യമായി ലഭിക്കും. ഇന്‍ഷുറന്‍സും ലഭിക്കും. മാത്രമല്ല കപ്പല്‍ശാലയിലേക്കും, തിരിച്ചുമുള്ള യാത്ര ചെലവും ലഭിക്കും.  

മാത്രമല്ല പ്രതിവര്‍ഷം 30 ദിവസത്തെ ശമ്പളത്തോട് കൂടിയ അവധിയും, പ്രതിവര്‍ഷം ഒരു റൗണ്ട് ട്രിപ്പ് ഫ്‌ളൈറ്റ് ടിക്കറ്റും കമ്പനി നല്‍കും. 

ഉദ്യോഗാര്‍ഥികള്‍ക്ക് അപേക്ഷ നല്‍കാനുള്ള അവസാന തീയതി മേയ് 3 ആണ്. വിശദമായ സിവിയോടൊപ്പം പാസ്‌പോര്‍ട്ട് കോപ്പി, പ്രവൃത്തി പരിചയ സര്‍ട്ടിഫിക്കറ്റ് എന്നിവ സഹിതമാണ് അപേക്ഷിക്കേണ്ടത്. 

വിശദവിവരങ്ങള്‍ക്ക് www.odepc.kerala.gov.in . ഫോണ്‍: 0471 2329440/41/42, 7736496574, 9778620460

കൂടുതൽ തൊഴിൽ വാർത്തകള്‍ക്ക് ഗ്രൂപ്പിൽ ജോയിന്‍ ചെയ്യുക