കൊച്ചി: പ്രതിസന്ധിയെ തുടര്‍ന്ന് എയര്‍ ഇന്ത്യ. കണ്ണൂര്‍, നെടുമ്പാശ്ശേരി എയര്‍പോര്‍ട്ടില്‍ നിന്നുള്ള എയര്‍ ഇന്ത്യയുടെ വിമാന സര്‍വിസുകള്‍ ഇന്നും മുടങ്ങും. കണ്ണൂരില്‍ നിന്നു എട്ട് സര്‍വിസുകളും കൊച്ചിയില്‍ നിന്ന് അഞ്ച് സര്‍വിസുകളുമാണ് റദ്ദാക്കിയത്. കൂട്ട അവധിയെടുത്ത ജീവനക്കാര്‍ തിരിച്ചെത്താത്തതാണ് സര്‍വിസ് മുടങ്ങിയതിനു കാരണം.  കണ്ണൂരില്‍ നിന്നു പുറപ്പെടേണ്ടിയിരുന്ന റിയാദ്, ഷാര്‍ജ, ദുബൈ, ദമാം, അബുദാബി, റാസല്‍ ഖൈമ, മസ്‌കറ്റ്, ദോഹ സര്‍വിസുകളും കൊച്ചിയില്‍ നിന്നുള്ള ദമാം, മസ്‌കറ്റ്, ബെംഗളൂരു, കൊല്‍ക്കത്ത, ഹൈദരാബാദ് സര്‍വിസുകളുമാണ് റദ്ദാക്കിയത്. അതേസമയം തിരുവനന്തപുരത്ത് നിന്ന് എയര്‍ ഇന്ത്യ എക്സ്പ്രസ് വിമാനം പുറപ്പെട്ടു. 1.10 നുള്ള അബൂദബി വിമാനമാണ് പുറപ്പെട്ടത്. കണ്ണൂരില്‍ നിന്നു വൈകിട്ട് പുറപ്പെടേണ്ട ഷാര്‍ജ, ദുബൈ വിമാനങ്ങളും സര്‍വിസ് നടത്തുമെന്നാണ് വിവരം. 

എയര്‍ ഇന്ത്യ ജീവനക്കാരുടെ കൂട്ട അവധിയില്‍ നിരവധി ആഭ്യന്തര-അന്താരാഷ്ട്ര സര്‍വിസുകള്‍ കഴിഞ്ഞ ദിവസം മുതല്‍ റദ്ദാക്കിയിരുന്നു. അപ്രതീക്ഷിതമായി സര്‍വിസുകള്‍ റദ്ദാക്കിയതുമൂലമാണ് നൂറുകണക്കിന് യാത്രക്കാര്‍ ദുരിതത്തിലായത്. ഫ്‌ളൈറ്റ് റദ്ദാക്കിയതില്‍ യാത്രക്കാര്‍ക്കുണ്ടായ അസൗകര്യത്തില്‍ എയര്‍ ഇന്ത്യ ക്ഷമ ചോദിച്ചിരുന്നു. ജീവനക്കാരുടെ സമരം നിയമവിരുദ്ധമാണെും എയര്‍ ഇന്ത്യ എക്‌സ്പ്രസ് പ്രതികരിച്ചു.