ഉത്തര്‍പ്രദേശിലെ നോയിഡ ആസ്ഥാനമായി പ്രവര്‍ത്തിക്കുന്ന ഇവി നിര്‍മാതാക്കളാണ് ജെമോപായ്. മികച്ച ഫീച്ചറുകളുള്ള ഇ.വികള്‍ കുറഞ്ഞ വിലക്ക് മാര്‍ക്കറ്റിലേക്ക് അവതരിപ്പിച്ച് ശ്രദ്ധ പിടിച്ചുപറ്റിയ ബ്രാന്‍ഡ് പുതിയ മോഡലുകളെ മാര്‍ക്കറ്റിലേക്ക് അവതരിപ്പിക്കാനുള്ള തയ്യാറെടുപ്പിലാണിപ്പോള്‍. റൈഡര്‍, റൈഡര്‍ സൂപ്പര്‍മാക്‌സ്, ആസ്ട്രിഡ് എന്നിങ്ങനെ മൂന്ന് മോഡലുകളാണ് കമ്പനി ഇപ്പോള്‍ വിപണിയില്‍ എത്തിക്കുന്നത്. 

ജെമോപായ് റൈഡര്‍ ഇവിക്ക് 70,850 രൂപയും റൈഡര്‍ സൂപ്പര്‍മാക്‌സ് ഇലക്ട്രിക് സ്‌കൂട്ടറിന് 79,999 രൂപയും, ആസ്ട്രിഡ് പതിപ്പിന് 1,11,195 രൂപയുമാണ് എക്‌സ്‌ഷോറൂം വില വരുന്നത്. എന്നാല്‍ മെയ് മാസത്തേക്കായി പ്രഖ്യാപിച്ചിരിക്കുന്ന ഓഫറിനു കീഴില്‍ മൂന്ന് മോഡലുകളും 15,000 രൂപ വിലക്കിഴിവോടെ 58,350 രൂപ, 66,999 രൂപ, 96,195 രൂപ എന്നീ ഡിസ്‌കൗണ്ടോടെ വീട്ട് മുറ്റത്തെത്തിക്കാന്‍ സാധിക്കും. 2024 മെയ് 31 വരെ മാത്രമേ ക്യാഷ്ബാക്ക് ഓഫറിന് സാധുതയുള്ളൂവെന്നും ശ്രദ്ധിക്കേണ്ട കാര്യമാണ്. ക്യാഷ്ബാക്ക് തുകയും വ്യത്യാസപ്പെടാം.

 അതിനാല്‍, ശരിയായ വിവരങ്ങള്‍ ലഭിക്കുന്നതിന് നിങ്ങളുടെ അടുത്തുള്ള ജെമോപായ് ഇവി ഡീലര്‍ഷിപ്പുകള്‍ സന്ദര്‍ശിക്കുകയോ അവരുമായി ബന്ധപ്പെടുകയോ ചെയ്യുന്നതാവും ഉചിതം. പുതുതായി ഇലക്ട്രിക് സ്‌കൂട്ടര്‍ വാങ്ങാന്‍ ആഗ്രഹിക്കുന്നവര്‍ക്ക് വന്നെത്തിയിരിക്കുന്നത് ഒരു സുവര്‍ണാവസരമാണ്.ഒറ്റ ചാര്‍ജില്‍ 90 കിലോമീറ്ററിനും 150 കിലോമീറ്ററിനും ഇടയില്‍ റേഞ്ച് അവകാശപ്പെടുന്ന മോഡലാണ് ജെമോപായ് റൈഡര്‍. ഒരു ലോ-സ്പീഡ് ഇവിയാണെങ്കിലും ദൈനംദിന ആവശ്യങ്ങള്‍ക്ക് ഉതകുന്ന തരത്തിലാണ് ഇലക്ട്രിക് സ്‌കൂട്ടര്‍ പണികഴിപ്പിച്ചിരിക്കുന്നത്. പരമാവധി 50 W പവര്‍ ഔട്ട്പുട്ടും നല്‍കാനാവുന്ന ഇവിയില്‍ 25 കിലോമീറ്റര്‍ വേഗത നല്‍കാനാവുന്ന BLDC മോട്ടോറാണ് വാഗ്ദാനം ചെയ്യുന്നത്.