ന്യൂ ഡല്‍ഹി: ഡല്‍ഹിയില്‍ ആദായ നികുതി ഓഫീസിലുണ്ടായ തീപിടിത്തത്തില്‍ ഒരാള്‍ മരിച്ചു. ഉച്ചക്ക് മൂന്ന് മണിയോടെയാണ് അപകടമുണ്ടായത്. അഗ്നിശമന സേനയെത്തി തീയണച്ച്  ഏഴ് പേരെ രക്ഷപ്പെടുത്തിയിട്ടി. ഡല്‍ഹി സെന്‍ട്രല്‍ റവന്യൂ കെട്ടിടത്തിലെ ആദായ നികുതി ഓഫീസിനാണ് തീപിടിച്ചത്. 

അപകടത്തില്‍ ഓഫീസ് സൂപ്രണ്ടായ 46കാരനാണ് മരിച്ചതെന്ന് പൊലിസ് അറിയിച്ചു. ഡല്‍ഹി പൊലിസിന്റെ പഴയ ഹെഡ് ക്വാര്‍ട്ടേഴ്‌സ് ഓഫീസിന് എതിര്‍വശത്തുള്ള കെട്ടിടത്തിലാണ് അപകടമുണ്ടായത്. രക്ഷപ്പെട്ടവരില്‍ അഞ്ച് പേര്‍ പുരുഷന്‍മാരും, രണ്ട് പേര്‍ സ്ത്രീകളുമാണ്.

അതേസമയം തീപിടിത്തത്തിന്റെ കാരണം വ്യക്തമല്ലെന്ന് പൊലിസ് അറിയിച്ചു. സംഭവത്തില്‍ കേസെടുത്തിണ്ടെന്നും അന്വേഷണം പുരോഗമിക്കുകയാണെന്നും പൊലിസ് വ്യക്തമാക്കി. തീപിടിത്തത്തിന്റെ ദൃശ്യങ്ങള്‍ സമൂഹമാധ്യമങ്ങളില്‍ പ്രചരിക്കുന്നുണ്ട്.