ദേലംപാടി: സ്‌കൂള്‍ തുറന്ന് മാസം മൂന്ന് കഴിഞ്ഞിട്ടും ദേലംപാടി ഗവ. വൊക്കേഷണല്‍ ഹയര്‍ സെക്കന്‍ഡറി സ്‌ക്കൂളില്‍ അറബിക് പഠനം തുടങ്ങിയിട്ടില്ല. ഓണപരീക്ഷ തിങ്കാളാഴ്ച്ച തുടങ്ങാനിരിക്കെ അറബിക് പരീക്ഷക്ക് എന്തെഴുതുമെന്ന ആശങ്കയിലാണ് വിദ്യാര്‍ഥികള്‍. സ്‌കൂളിലെ നൂറോളം കുട്ടികളാണ് ആശങ്കയിലായിരിക്കുന്നത്.
സ്‌കൂളിലെ അറബിക് അധ്യാപകന്‍ സസ്‌പെന്‍ഷനില്‍ ആയതോടെയാണ് അറബിക് പഠനം നടത്തുന്ന വിദ്യാര്‍ഥികള്‍ വഴിയാധാരമായത്.
താല്‍ക്കാലികമായി ഒരു അധ്യാപകനെ നിയമിക്കാന്‍ കഴിയാത്ത അവസ്ഥയാണ് ഇപ്പോള്‍. അധ്യാപക രക്ഷാകര്‍തൃസമിതി അംഗങ്ങള്‍ കലക്റ്റര്‍ക്കും ജില്ലാ വിദ്യാഭ്യാസ ഓഫിസര്‍ക്കും പരാതി നല്‍കിയെങ്കിലും ഇതേവരെ അനുകൂല തീരുമാനം ഉണ്ടായിട്ടില്ല. ഈ ഓണപരീക്ഷക്ക് സ്‌കൂളിലെ അറബിക് വ ിദ്യാര്‍ഥികള്‍ പഠിക്കാതെ പരീക്ഷയെഴുതും. എന്നാല്‍ അര്‍ദ്ധവാര്‍ഷിക പരീക്ഷയ്‌ക്കെങ്കിലും അറബിക് പഠിച്ചുകൊണ്ടു പഠനം നടത്താനാവുമോയെന്ന ചോദ്യമാണ് വിദ്യാര്‍ഥികളും രക്ഷിതാക്കളും ചോദിക്കുന്നത്.