അമൃത്‌സര്‍: പഞ്ചാബില്‍ കോണ്‍ഗ്രസ് തെരഞ്ഞെടുപ്പ് റാലിക്കിടെ വെടിവെയ്പ്പ്. കോണ്‍ഗ്രസ് സിറ്റിങ് എം.പിയും സ്ഥാനാര്‍ഥിയുമായ ഗുര്‍ജിത്ത് സിങ് ഓജ്‌ലയുടെ റാലിക്കിടെയാണ് ആക്രമണമുണ്ടായത്. വെടിവെപ്പില്‍ ഒരാള്‍ക്ക് പരിക്കേറ്റു. 

വെടിവെപ്പ് നടത്തിയവരെ തിരിച്ചറിഞ്ഞിട്ടില്ല. ആക്രമണത്തിന് ശേഷം പ്രതികള്‍ ഓടി രക്ഷപ്പെടുകയായിരുന്നുവെന്ന് ദൃക്‌സാക്ഷികള്‍ പറഞ്ഞു. പഞ്ചാബിലെ ആം ആദ്മി സര്‍ക്കാരിനെതിരെ മുദ്രാവാക്യം ഉയര്‍ത്തിയതിന് പിന്നാലെയാണ് വെടിവെപ്പുണ്ടായതെന്നാണ് റിപ്പോര്‍ട്ട്. സംഭവത്തില്‍ പൊലിസ് കേസെടുത്ത് അന്വേഷണം ആരംഭിച്ചിട്ടുണ്ട്.