വാടാനപ്പള്ളി: തെരുവ് നായ്ക്കളുടെ ആക്രമണത്തില്‍ മൂന്ന് ആടുകള്‍ ചത്തു. ഒരു ആടിനു പരുക്കേറ്റു. തൃത്തല്ലൂര്‍ കൊറ്റായി കോളനിയുടെ വടക്കുവശം കുളങ്ങരകത്ത് അബ്ദുറസാക്കിന്റെ വീട്ടിലെ ആടുകള്‍ക്കാണ് നേരെയാണ് തെരുവ് നായ്ക്കളുടെ ആക്രമണം ഉണ്ടായത്.
ഇന്നലെ ഉച്ചക്ക് മൂന്നു മണിക്കായിരുന്നു സംഭവം. വീടിനു സമീപത്തെ ആളൊഴിഞ്ഞ പറമ്പില്‍ കെട്ടിയിരുന്ന ആടുകളെ കൂട്ടമായെത്തിയ തെരുവ് നായ്ക്കള്‍ ആക്രമിക്കുകയായിരുന്നു. ആടുകള്‍ കരയുന്ന ശബ്ദം കേട്ട് നാട്ടുകര്‍ ചെന്ന് നോക്കിയപ്പോഴാണ് ഒരുകൂട്ടം നായ്ക്കള്‍ പോകുന്നതും ആടുകള്‍ പിടയുന്നതും കണ്ടത്. കഴുത്തിനും, ചെവിക്കും കടിയേറ്റ മൂന്നു ആടുകള്‍ ചത്തു. ഒരാടിനു സാരമായി കടിയേറ്റു. കഴിഞ്ഞ രണ്ട് ദിവസം മുമ്പ് തൃത്തല്ലൂര്‍ ഓസ്സാമുക്കില്‍ തേപറമ്പില്‍ ഇബ്രാഹിം കുട്ടിയുടെ വീട്ടിലെ രണ്ട് ആടുകളെയും തെരുവ് നായ കടിച്ചു കൊന്നിരുന്നു.