കോഴിക്കോട്: വെല്‍ഫയര്‍ പാര്‍ട്ടി കോഴിക്കോട് സൗത്ത് മണ്ഡലം കമ്മിറ്റിയുടെ ആഭിമുഖ്യത്തില്‍ ഭൂരഹിതരുടെ സംഗമം എം.എസ്.എസ് ഓഡിറ്റോറിയത്തില്‍ നടന്നു. സീറോ ലാന്റ്‌ലസ് പദ്ധതി പ്രകാരം നഗരം, പന്നിയങ്കര, വളയനാട്, കസബ എന്നീ വില്ലേജുകളില്‍ അപേക്ഷ  കൊടുത്തു ഫീസ് അടച്ചു  വര്‍ഷങ്ങളായി മൂന്നു സെന്റ് ഭൂമിക്കായി കാത്തിരിക്കുന്നവരാണ് സംഗമത്തില്‍ പങ്കെടുത്തത്.
ജില്ലാ പ്രസിഡന്റ് അസ്‌ലം ചെറുവാടി ഉദ്ഘാടനം ചെയ്തു. തെക്കോത്ത് മമ്മു അധ്യക്ഷനായി. സൗത്ത് മണ്ഡലം എം.എല്‍.എയുടെ വസതിയിലേക്ക് മാര്‍ച്ച് നടത്താന്‍ യോഗം തീരുമാനിച്ചു. ടി.കെ മാധവന്‍, സി. അബ്ദുറഹിമാന്‍, ബേബി, എന്‍.വി ഉമ്മര്‍കോയ, ലളിത, ഒ. മുഹമ്മദലി, സി.പി അമീര്‍, എം.ടി.സി സിദ്ദിഖ്  സംസാരിച്ചു.