അടിമാലി: ആനച്ചാലില്‍ ഹോംസ്‌റ്റേ ജീവനക്കാരിയെ പീഡിപ്പിക്കാന്‍ ശ്രമിച്ച പ്രതികളില്‍ ഒരാള്‍ പിടിയില്‍. മുരിക്കാശ്ശേരി കുരിയാത്ത സനീഷ് സെബാസ്റ്റ്യനാണ്  (45) പിടിയിലായത്. ഇയാളൊടൊപ്പമുണ്ടായിരുന്ന പ്രതിയെ ഇനിയും കണ്ടെത്താനായിട്ടില്ല. 

കഴിഞ്ഞ ദിവസം ഹോംസ്‌റ്റേയിലെത്തിയ സനീഷ് ഇവിടുത്തെ ജീവനക്കാരുമായി വാക്കുതര്‍ക്കത്തിലേര്‍പ്പെടുകയും അടിപിടിയുണ്ടാക്കുകയും ചെയ്തിരുന്നു. തുടര്‍ന്ന് സ്ഥാപനത്തിലെ ജീവനക്കാരിയോട് സനീഷും സുഹൃത്തും അപമര്യാദയായി പെരുമാറിയെന്നുമാണ് കേസ്. കൂടാതെ ഒന്നരപ്പവന്റെ മാല തട്ടിയെടുക്കുകയും ചെയ്തു. തുടര്‍ന്ന് കടന്നുകളഞ്ഞ ഇരുവരും പുലര്‍ച്ചയോടെ എത്തി മുറ്റത്ത് കിടന്ന വാഹനങ്ങള്‍ തല്ലിത്തകര്‍ത്തു. സനീഷിനെ അടിമാലി കോടതിയില്‍ ഹാജരാക്കി റിമാന്‍ഡ് ചെയ്തു.