ചേര്‍ത്തല: ജ്വല്ലറിയില്‍ മോഷണം നടത്തിയ യുവതിയെ പൊലിസ് പിടികൂടി. എറണാകുളം പച്ചാളം പീപ്പിള്‍സ് റോഡ് ഗോപിക (21) യെയാണ് ചേര്‍ത്തല പൊലിസ് അറസ്റ്റ് ചെയ്തത്. കഴിഞ്ഞ 15 നായിരുന്നു വി ജോണ്‍ എന്ന ജ്വല്ലറിയില്‍ നിന്ന് യുവതി തന്ത്രപരമായി മോതിരം മോഷ്ടിച്ചത്. ഒറ്റക്കെത്തിയ ഗോപിക ഉടമ ജിതേജ് ഫോണ്‍ ചെയ്യുന്ന സമയത്താണ് മൂന്ന് ഗ്രാം തൂക്കമുള്ള മോതിരം മോഷ്ടിച്ചത്. മോതിരം തിരയുന്നതിനിടെ വിരലില്‍ സ്വര്‍ണമോതിരം ഇടുകയും മറ്റൊരു വിരലില്‍ കിടന്ന ഡ്യൂപ്ലിക്കേറ്റ് മോതിരം പകരം നല്‍കിയുമാണ് ഗോപിക കടന്നുകളഞ്ഞത്.

പിറ്റേ ദിവസം കബളിപ്പിക്കപ്പെട്ടെന്ന് മനസിലായ ഉടമ പൊലിസില്‍ പരാതി നല്‍കി. കടയ്ക്കുള്ളിലെ സിസിടിവി കേന്ദ്രീകരിച്ചു നടത്തിയ അന്വേഷണത്തിലാണ് ബുധാഴ്ച രാത്രിയോടെ പ്രതിയെ പിടികൂടിയത്. ചേര്‍ത്തല പൊലിസ് സ്റ്റേഷന്‍ ഇന്‍സ്‌പെക്ടര്‍ ജി അരുണ്‍, എസ്‌ഐ കെ പി അനില്‍കുമാര്‍, എഎസ്‌ഐ ബീന, സീനിയര്‍ സിവില്‍ പൊലിസ് ഓഫീസര്‍മാരായ സതീഷ്, സുധീഷ് എന്നിവരടങ്ങിയ അന്വഷണ സംഘമാണ് പ്രതിയെ പിടികൂടിയത്.

A 21-year-old individual has been apprehended for cleverly stealing a ring from a jewelry store, showcasing the importance of security measures in preventing theft.