താമരശ്ശേരി: ശ്രീനാരായണ ഗുരുവിന്റെ 'നമുക്ക് ജാതിയില്ല' പ്രഖ്യാപനത്തിന്റെ നൂറാം വാര്‍ഷികത്തോടനുബന്ധിച്ച് താമരശ്ശേരി ഏരിയയിലെ വിവിധ സി.പി.എം ലോക്കല്‍ കമ്മിറ്റികളുടെ നേതൃത്വത്തില്‍ നവോത്ഥാന ഘോഷയാത്രകളും സാംസ്‌കാരിക സംഗമവും നടത്തി. സി.പി.എം നോര്‍ത്ത് ലോക്കല്‍ കമ്മിറ്റി സംഘടിപ്പിച്ച ഘോഷയാത്ര മുന്നാംതോട് നിന്നും വാദ്യമേളങ്ങളുടെ അകമ്പടിയോടെ കോരങ്ങാട് സമാപിച്ചു.
ബഹുജന കൂട്ടായ്മ ഏരിയാ സെക്രട്ടറി ആര്‍.പി ഭാസ്‌കരന്‍ ഉദ്ഘാടനം ചെയ്തു. വാര്‍ഡ് മെമ്പര്‍ പി.എം ജയേഷ് അധ്യക്ഷനായി. ഡോ. രവി, വിനീഷ്, എ.പി മുസ്തഫ, പി.എം അബ്ദുള്‍ മജീദ്, പി.സുധാകരന്‍ സംസാരിച്ചു.
സി.പി.എം കട്ടിപ്പാറ ലോക്കല്‍ കമ്മിറ്റി നേതൃത്വത്തില്‍ ചമലില്‍ സാസ്‌കാരിക ഘോഷയാത്രയും പ്രഭാഷണവും സംഘടിപ്പിച്ചു. സ്റ്റേറ്റ് ലൈബ്രറി കൗണ്‍സില്‍ അംഗം ഡി. സുരേഷ്ബാബു ഉദ്ഘാടനം ചെയ്തു. ലോക്കല്‍ കമ്മിറ്റി സെക്രട്ടറി സി.പി നിസാര്‍ അധ്യക്ഷനായി. കെ.എന്‍ രാധാകൃഷ്ണന്‍ മുഖ്യ പ്രഭാഷണം നടത്തി. കട്ടിപ്പാറ ഗ്രാമ പഞ്ചായത്ത് പ്രസിഡന്റ് ബേബി രവീന്ദ്രന്‍, വൈസ് പ്രസിഡന്റ് നിധീഷ് കല്ലുള്ള തോട്, ടി.സി വാസു, കെ.കെ അപ്പുക്കുട്ടി, കെ.ആര്‍ രാജന്‍, സുഭദ്ര ടീച്ചര്‍ നേതൃത്വം നല്‍കി.
കിഴക്കോത്ത് ലോക്കല്‍ കമ്മിറ്റി സംഘടിപ്പിച്ച നവോത്ഥാനഘോഷയാത്രകളും സാംസ്‌കാരിക സംഗമവും എളേറ്റില്‍ വട്ടോളിയില്‍ നടന്നു. സുഗതന്‍ കൊയിലാണ്ടണ്ടി ഉദ്ഘാടനം ചെയ്തു. ഫൈസല്‍ എളേറ്റില്‍ അധ്യക്ഷനായി. പക്കര്‍ പന്നൂര്‍, എന്‍.പി മുഹമ്മദ്,  എം.എസ് മുഹമ്മദ്, എന്‍.കെ സുരേഷ്, പി.ശ്രീധരന്‍ സംസാരിച്ചു.