രാജ്യത്തിലേക്ക് ഇസ്‌റാഈലി പൗരന്മാര്‍ക്ക് പ്രവേശനം നിഷേധിച്ച് മാലിദ്വീപ്. സുരക്ഷാ-സാങ്കേതിക മന്ത്രിയായ അലി ഇഹ്‌സാനാണ് ഇക്കാര്യം അറിയിച്ചത്. മന്ത്രിസഭയുടെ ശിപാര്‍ശയുടെ അടിസ്ഥാനത്തിലാണ് ഇസ്‌റാഈലില്‍ നിന്നുള്ള പൗരന്മാര്‍ക്ക് രാജ്യത്ത് പ്രവേശനം നിഷേധിച്ചതെന്നാണ് പ്രസിഡന്റ് മുഹമ്മദ് മുയിസു അഭിപ്രായപ്പെട്ടത്.

മാലിദ്വീപില്‍ ഇസ്‌റാഈലി പൗരന്മാര്‍ പ്രവേശിക്കുന്നത് തടയുന്നതിനായി മന്ത്രിസഭ നിയമഭേദഗതി വരുത്തും. ഇതിന് പുറമെ ഇസ്‌റാഈലിന്റെ അതിക്രമങ്ങളില്‍ തകര്‍ന്നടിഞ്ഞ ഫലസ്തീന് ധനസഹായ ക്യാംപെയ്ന്‍ നടത്താനും, ഫലസ്തീനുള്ള സഹായങ്ങള്‍ അവലോകനം ചെയ്യാന്‍ നയന്ത്ര പ്രതിനിധിയെ നിയമിക്കാനും മാലിദ്വീപ് തീരുമാനിച്ചിട്ടുണ്ട്.