തളിപ്പറമ്പ്: വീടിന്റെ പുറകുവശത്തെ ഗ്രില്‍സ് തകര്‍ത്ത് അകത്തുകടന്ന മോഷ്ടാവ് ഉറങ്ങിക്കിടക്കുകയായിരുന്ന വൃദ്ധയുടെ മാല കവര്‍ന്നു. പരിയാരം പയിച്ചിയിലെ കേശവന്‍ നമ്പീശന്റെ ഭാര്യ ദാക്ഷായണി(62)യുടെ നാല് പവന്റെ താലിമാലയാണ് ഇന്നലെ പുലര്‍ച്ചെ കവര്‍ന്നത്. മോഷണശ്രമത്തിനിടെ ദാക്ഷായണി ഞെട്ടിയുണര്‍ന്നു ബഹളം വച്ചെങ്കിലും മാല കൈക്കലാക്കി മോഷ്ടാവ് ഓടി രക്ഷപ്പെട്ടു. പരിയാരം പൊലിസ് കെസെടുത്തു.