463000 വാഹനങ്ങൾ തിരിച്ചുവിളിച്ച് പ്രമുഖ വാഹന നിർമ്മാതാക്കളായ കിയ. യുണൈറ്റഡ് സ്റ്റേറ്റ്സിലാണ് കിയ ഇത്തരമൊരു നീക്കം നടത്തുന്നത്. തീപിടുത്തത്തിന് സാധ്യതയുണ്ടെന്നും അതിനാൽ അറ്റകുറ്റപ്പണികൾ ആവശ്യമുണ്ടെന്നും ചൂണ്ടിക്കാട്ടിയാണ് കമ്പനി ഇത്തരമൊരു തീരുമാനം എടുത്തത്.

വാഹനങ്ങൾ ഉപഭോക്താക്കൾ പാർക്ക് ചെയ്യുമ്പോൾ കഴിയാവുന്നതും പുറത്തോ തുറസ്സായ സ്ഥലങ്ങളോ ഉപയോഗിക്കണമെന്നും കമ്പനി വ്യക്തമാക്കിയിട്ടുണ്ട്. കിയയുടെ ഫ്രണ്ട് പവർ സീറ്റ് മോട്ടോറുകൾ അമിതമായ ചൂടാകുന്നതാണ് പ്രശ്നം. ഇതുമൂലമുണ്ടാകുന്ന തീപിടുത്തത്തെ തുടർന്ന് 2020-24 വർഷങ്ങളിലെ ടെല്ലുറൈഡ് എസ് യു വി വാഹനങ്ങൾ തിരിച്ചു വിളിക്കുന്നതായി ഇവർ അറിയിച്ചു. കൊറിയൻ വാഹന നിർമാതാക്കളാണ് കിയ.