കൊച്ചി: മദ്യലഹരിയില്‍ യുവാവ് ഓടിച്ച കാറിടിച്ച് അച്ഛനും മകനും മരിച്ചു. ഇളംകുളം സ്വദേശി ഡെന്നി റാഫേലും മകന്‍ ഡെന്നിസണ്‍ ഡെന്നിയുമാണ് മരിച്ചത്. കൊച്ചി പൊന്നുരുന്നി മേല്‍പ്പാലത്തിന് താഴെ ബുധനാഴ്ച്ച രാത്രി 11.30 ഓടെയാണ് അപകടമുണ്ടായത്. 

ഇവര്‍ സഞ്ചരിച്ച ബൈക്കില്‍ സ്‌കോര്‍പിയോ കാര്‍ ഇടിച്ചാണ് അപകടം ഉണ്ടായത്. കാറോടിച്ച പാലക്കാട് സ്വദേശി സുജിത്തിനെ പാലാരിവട്ടം പൊലിസ് കസ്റ്റഡിയിലെടുത്തു. ഇയാള്‍ക്കെതിരെ 304 എ വകുപ്പ് പ്രകാരം കേസെടുത്തിട്ടുണ്ട്. ഇടിയേറ്റ് തെറിച്ചുവീണ ഡെന്നിസണെയും മകനെയും ഉടന്‍ തന്നെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.