കൊച്ചി:  വൈറ്റിലയില്‍ അച്ഛനും മകനും വാഹനാപകടത്തില്‍ മരിച്ചു. എളംകുളം സ്വദേശി ഡെന്നി റാഫേല്‍(46), ഡെന്നിസണ്‍ ഡെന്നി(11) എന്നിവരാണ് മരിച്ചത്. വൈറ്റില പൊന്നുരുന്നി റെയില്‍വേ മേല്‍പ്പാലത്തിനു സമീപം ഇന്നലെ രാത്രിയായിരുന്നു സംഭവം.

ഇവര്‍ സഞ്ചരിച്ച സ്‌കൂട്ടര്‍ കാറുമായി കൂട്ടിയിടിക്കുകയായിരുന്നു. സ്‌കോര്‍പിയോ വാഹനത്തിനു പിന്നില്‍ സ്‌കൂട്ടര്‍ വന്നിടിച്ചായിരുന്നു അപകടം. ഇടിയുടെ ആഘാതത്തില്‍ സ്‌കൂട്ടറിന് കാര്യമായ കേടുപാടുകള്‍ സംഭവിച്ചു. സംഭവത്തില്‍ പാലാരിവട്ടം പൊലിസ് കേസെടുത്ത് അന്വേഷണം ആരംഭിച്ചിട്ടുണ്ട്. മനപ്പൂര്‍വമല്ലാത്ത നരഹത്യ വകുപ്പ് ചുമത്തി കേസെടുത്തിട്ടുണ്ട്.