റിയാദ്: സഊദി അറേബ്യയില്‍ കനത്ത ചൂടിന് ആശ്വാസമായി മക്കയില്‍ മഴയെത്തി. തിങ്കളാഴ്ച റെക്കോർഡ് ചൂടാണ് പകൽ സഊദിയിൽ അനുഭവപ്പെട്ടത്. രാവിലെ 11-നും വൈകിട്ട് 4-നും ഇടയിൽ പുറത്തിറങ്ങരുതെന്ന് സഊദി അറേബ്യയിലെ ആരോഗ്യ മന്ത്രാലയം ഹാജിമാർക്ക് കർശന നിർദേശം നൽകിയിരുന്നു. 

ഇതിനിടെയാണ് ഹാജിമാർക്ക് ആശ്വാസമായി മഴയെത്തിയത്. കുറച്ച് സമയത്താണെങ്കിലും മഴ പെയ്തത് കനത്ത ചൂടിൽ നിന്ന് വലിയ ആശ്വാസമാണ് ഉണ്ടാക്കിയത്.പലരും മഴ നനഞ്ഞ് കൊണ്ടാണ് മസ്‌ജിദുൽ ഹറമിൽ ത്വവാഫ് നിർവഹിച്ചത്. മിനയിലും മഴ നനഞ്ഞ് കൊണ്ട് വിശ്വാസികൾ ജംറകളിൽ കല്ലേറ് കർമം നിർവഹിച്ചത്.

ഈ ഹജ് സീസണിലെ ഏറ്റവും ഉയർന്ന ചൂടാണ് കഴിഞ്ഞ ദിനം മക്കയിലും മിനയിലും രേഖപ്പെടുത്തിയത്. മിനയിൽ 49 ഡിഗ്രി സെൽഷ്യസ് വരെയും മക്കയിൽ 51.8 ഡിഗ്രി സെൽഷ്യസ് താപനിലയും രേഖപ്പെടുത്തിയിരുന്നു.

കൂടുതൽ ഗൾഫ് വാർത്തകൾ ലഭിക്കാൻ ഗ്രൂപ്പിൽ ജോയിൻ ചെയ്യുക: