\തൃശൂര്‍: ഹൈറിച്ച് നിക്ഷേപ തട്ടിപ്പില്‍ സി.ബി.ഐ അന്വേഷണം വേണമെന്ന് സംസ്ഥാനം കേന്ദ്രത്തോട് ആവശ്യപ്പെട്ടിട്ടും നടപടി വൈകുന്നു. സംസ്ഥാന കോമ്പിറ്റന്റ് അതോറിറ്റി വഴിയാണ് സംസ്ഥാനം സി.ബി.ഐ അന്വേഷണം ആവശ്യപ്പെട്ടത്. ബഡ്‌സ് ആക്ട് അനുസരിച്ച് ഒന്നിലധികം സംസ്ഥാനങ്ങളില്‍ നടത്തിയ തട്ടിപ്പായതിനാല്‍ കോമ്പിറ്റന്റ് അതോറിറ്റി ആവശ്യപ്പെട്ടാല്‍ സി.ബി.ഐ കേസ് അന്വേഷിക്കണം. കേന്ദ്ര, സംസ്ഥാന സര്‍ക്കാരുകളുടെ കീഴിലുള്ള ജുഡിഷ്യല്‍ അധികാരമുള്ള അതോറിറ്റിയാണ് ഇത്. സി.ബി.ഐ അന്വേഷണം വൈകുന്നതിന് പിന്നിൽ ദൂരൂഹതയെന്ന് ആരോപണമുയർന്നിട്ടുണ്ട്.

19 കേസുകള്‍ ചേര്‍പ്പ് ആസ്ഥാനമായ കമ്പനിക്കെതിരെ പൊലിസ് രജിസ്റ്റര്‍ ചെയ്തിരുന്നു. 3141 കോടിയിലേറെ രൂപ സംസ്ഥാനത്തിന് അകത്തുനിന്നും പുറത്തുനിന്നുമായി കമ്പനി സമാഹരിച്ചതായി കണ്ടെത്തി. ഓണ്‍ലൈന്‍ ഷോപ്പിങ്ങിന്റെ മറവില്‍ മണിചെയിന്‍ മാതൃകയിലാണ് തട്ടിപ്പ് നടന്നത്.