ഇതിൽ പ്രതിഷേധവുമായി സിവിൽ വിഭാഗത്തിലെ ഉദ്യോഗസ്ഥർ രംഗത്തെത്തിയിട്ടുണ്ട്. സിവിൽ വിഭാഗത്തിലെ നാല് ചീഫ് എൻജിനീയർമാർ, 16 ഡെപ്യൂട്ടി ചീഫ് എൻജിനീയർമാർ, 52 എക്‌സിക്യൂട്ടീവ് എൻജിനീയർമാർ വിരമിച്ചിട്ടും പകരം ആളെ പോസ്റ്റ് ചെയ്തില്ല. തങ്ങൾക്ക് അർഹതപ്പെട്ട പ്രമോഷൻ പോലും നൽകുന്നില്ലെന്ന് സിവിൽ വിഭാഗം ഉദ്യോഗസ്ഥർ പറയുന്നു. സിവിൽ വിഭാഗത്തിന് അർഹതപ്പെട്ട കെ.എസ്.ഇ.ബി ഡയരക്ടർ സ്ഥാനം എൻ.ഒ.സി നൽകാതെ തട്ടിത്തെറിപ്പിച്ചെന്നും ഇവർ അരോപിക്കുന്നു.

കുറഞ്ഞ തുക മുന്നോട്ടുവച്ച കമ്പനിയെ തള്ളി രണ്ടാമതെത്തിയവർക്കു കരാർ നൽകിയതിലൂടെ ബോർഡിന് 34.13 ലക്ഷം രൂപ നഷ്ടമുണ്ടായെന്നായിരുന്നു കണ്ടെത്തൽ. ബോർഡിനുണ്ടായ നഷ്ടം ചീഫ് എൻജിനീയർ സജി പൗലോസ്, ഡെപ്യൂട്ടി സി.ഇ എ. ലീലാമയി അടക്കമുള്ള ഉദ്യോഗസ്ഥരിൽ നിന്ന് ഈടാക്കണമെന്നും അന്വേഷണ നടപടി പൂർത്തിയാകുന്നതുവരെ ഇവർക്ക് സ്ഥാനക്കയറ്റം നൽകരുതെന്നുമായിരുന്നു വിജിലൻസ് റിപ്പോർട്ടിലെ ശുപാർശ. നഷ്ടം ഈടാക്കാനുള്ള നടപടികൾക്കു മുൻ ചെയർമാൻ ഡോ. രാജൻ ഖൊബ്രഗഡെ തുടക്കം കുറിച്ചിരുന്നു. അതിനിടെ കുറ്റക്കാരിയാണെന്ന് കണ്ടെത്തിയാൽ അന്വേഷണത്തിന്റെ അടിസ്ഥാനത്തിൽ നടപടിയെടുക്കുമെന്ന് ഇവർക്കുള്ള സ്ഥനക്കയറ്റ ഉത്തരവിൽ സൂചിപ്പിച്ചിട്ടുണ്ട്.

വൈദ്യുതി ബോർഡിന് കീഴിലെ നിർമാണപ്രവർത്തനങ്ങളുടെ ചുമതല ഇലക്ട്രിക്കൽ വിഭാഗത്തിന് കൈമാറിയതോടെയാണ് ഇരുവിഭാഗവും തമ്മിലുള്ള ശീതസമരം രൂക്ഷമായത്. ഇലക്ട്രിക്കൽ വിഭാഗത്തിൽ നിന്നുള്ള വി.എൻ പ്രസാദിനെയാണ് ചീഫ് എൻജിനീയർ (പ്രോജക്ട്‌സ്) ആയി നിയമിച്ചിരിക്കുന്നത്.

An Electrical Deputy Chief Engineer, previously barred by vigilance, has been promoted despite the restrictions. This decision has raised concerns and debates