ന്യൂഡല്‍ഹി: ഒമാനിലെ സമുദ്രാതിര്‍ത്തിയില്‍ രണ്ട് വ്യാപാര കപ്പലുകള്‍ക്ക് നേരെയുണ്ടായ ആക്രമണത്തില്‍ മൂന്ന് ഇന്ത്യക്കാര്‍ കൊല്ലപ്പെട്ടതായി ഡയറക്ടറേറ്റ് ജനറല്‍ ഓഫ് ഷിപ്പിങ്. വിദേശ കപ്പലുകളില്‍ ജോലി ചെയ്തിരുന്ന ഇന്ത്യന്‍ നാവികരാണ് കൊല്ലപ്പെട്ടത്. ആക്രമണത്തില്‍ ഒരു ഇന്ത്യക്കാരന് പരുക്കേല്‍ക്കുകയും ചെയ്തു. 

ഒമാനിലെ ഖസബ് തീരത്തിന് സമീപം ഞായറാഴ്ച്ച എം.വി സ്‌കൈലൈറ്റ് എണ്ണ കപ്പലിന് നേരെയാണ് ആക്രമണമുണ്ടായത്. മരിച്ചവരുടെ പേര് വിവരങ്ങള്‍ വെളിപ്പെടുത്തിയിട്ടില്ല. അതേസമയം, ഇന്ത്യന്‍ കപ്പലുകള്‍ ആക്രമണത്തിനിരയായിട്ടില്ലെന്നും ഡിജി ഷിപ്പിങ് വ്യക്തമാക്കി. 

ഒമാന്‍ തീരത്ത് മാര്‍ഷല്‍ ദ്വീപുകളുടെ പതാകയുള്ള കപ്പലിന് നേരെയുണ്ടായ ആക്രമണത്തില്‍ ഒരു ഇന്ത്യന്‍ പൗരന്‍ കൊല്ലപ്പെട്ടതായി ഒമാന്‍ സ്ഥിരീകരിച്ചതിന് തൊട്ടുപിന്നാലെയാണ് പ്രസ്താവന. എല്‍.സി.ടി അലിഹ് എന്ന കപ്പലിന് നേരെയുണ്ടായ ആക്രമണത്തില്‍ മറ്റൊരു ഇന്ത്യന്‍ പൗരന് ഗുരുതരമായി പരുക്കേറ്റതായും റിപ്പോര്‍ട്ടുണ്ട്. 

Amid the escalating West Asia conflict, the Directorate General of Shipping (DG Shipping) has confirmed that three Indian seafarers working aboard foreign vessels have been killed. The incident underscores the growing risks faced by maritime workers in the conflict-affected region.