പാലക്കാട്: ഒറ്റപ്പാലം ചിനക്കത്തൂര്‍ പൂരത്തിനിടെയുണ്ടായ സംഘര്‍ഷത്തില്‍ സി.പി.എം ബ്രാഞ്ച് സെക്രട്ടറി ഉള്‍പ്പെടെ രണ്ട് പേര്‍ക്ക് കുത്തേറ്റു. ഈസ്റ്റ് ഒറ്റപ്പാലം ബ്രാഞ്ച് സെക്രട്ടറി അര്‍ഷിദ്(31), ഒറ്റപ്പാലം സ്വദേശി പ്രശാന്ത് എന്നിവരെയാണ് കുത്തിയത്.

രാഷ്ട്രീയ വൈരാഗ്യത്തെ തുടര്‍ന്ന് ഉണ്ടായ സംഘര്‍ഷത്തിലാണ് ഇരുവര്‍ക്കും കുത്തേറ്റതെന്നാണ് പൊലിസ് പറയുന്നത്. പാലപ്പുറം പഴയ പോസ്റ്റ് ഓഫീസിന് സമീപം ഇന്നലെ രാത്രി ഏഴ് മണിയോടെയാണ് സംഭവം.

ALSO READ: തിരുവനന്തപുരത്ത് അനധികൃത വൈദ്യുതി വേലിയില്‍ നിന്ന് ഷോക്കേറ്റു; അച്ഛനും മകനും മരിച്ചു

പരുക്കേറ്റ ഇരുവരേയും വാണിയംകുളത്തെ സ്വകാര്യ ആശുപത്രിയില്‍ പ്രവേശിപ്പിച്ചു. സാരമായി പരുക്കേറ്റ പ്രശാന്തിനെ ശസ്ത്രക്രിയക്ക് വിധേയനാക്കി. ചിനക്കത്തൂര്‍ പൂരത്തിന് സ്പെഷ്യല്‍ പൂരം കൊണ്ടു പോകുന്നതിനിടയിലായിരുന്നു സംഘര്‍ഷം. 

ഒറ്റപ്പാലം പൊലീസ് കേസെടുത്ത് അന്വേഷണം തുടങ്ങി.സംഭവത്തില്‍ രണ്ട് പേരെ പൊലിസ് കസ്റ്റഡിയിലെടുത്തിട്ടുണ്ട്. 

A clash broke out during a Pooram festival celebration, leaving two people injured, including a local CPI(M) leader. The victims sustained stab injuries in the violence that erupted amid the festivities.