•  എല്ലാവർക്കും സ്വീകാര്യമായ പുനരധിവാസ പദ്ധതി തയ്യാറാക്കാൻ നിർദേശം
•  കയ്യേറ്റക്കാരാണെങ്കിലും അവരും മനുഷ്യരാണെന്ന് സുപ്രിംകോടതി

കഴിഞ്ഞ വർഷത്തെ മഴക്കാലത്ത് ഗുവാല നദിയുടെ ശക്തമായ ഒഴുക്കിൽ റെയിൽവേ ട്രാക്കുകളുടെ സംരക്ഷണ ഭിത്തി തകർന്നുവെന്നും റെയിൽവേ പ്രവർത്തനങ്ങൾ സുഗമമാക്കുന്നതിന് ഭൂമി അടിയന്തരമായി ലഭ്യമാക്കേണ്ടതുണ്ടെന്നും റെയിൽവേ ആവശ്യപ്പെട്ടു. ഹാൽദ്വാനിയിലുള്ളവർ കയ്യേറ്റക്കാരാണെങ്കിൽ പതിറ്റാണ്ടുകളായി റെയിൽവേ ഭൂമി കൈവശം വച്ചിരിക്കുന്നവർക്കെതിരേ എന്ത് നടപടിയാണ് നിങ്ങൾ സ്വീകരിച്ചതെന്ന് കോടതി ചോദിച്ചു. ആളുകളെ ഒഴിപ്പിക്കണമെങ്കിൽ നോട്ടീസ് നൽകണമെന്നും ബെഞ്ച് പറഞ്ഞു. കയ്യേറ്റം ഒഴിപ്പിക്കാൻ പതിറ്റാണ്ടുകൾ നിങ്ങൾ ഒന്നും ചെയ്തില്ല. ഇപ്പോൾ ഒരു സ്വകാര്യ വ്യക്തി നൽകിയ പൊതുതാൽപര്യ ഹരജിയിലെ ഉത്തരവിന്റെ അടിസ്ഥാനത്തിൽ അവരെ ഒറ്റയടിക്ക് ഒഴിപ്പിക്കാൻ നോക്കുന്നു.

ഭൂമിയില്ലാത്തതിനാൽ റയിൽവേ പദ്ധതികൾ നടപ്പാക്കാൻ പറ്റുന്നില്ലെന്നായിരുന്നു കേന്ദ്ര സർക്കാർ വാദം. ഇതിനായി 1200 വീടുകൾ ഒഴിപ്പിക്കേണ്ടതുണ്ടന്നും കേന്ദ്രം വാദിച്ചു.

അത് എല്ലാവർക്കും നീതിയും സമത്വവും നൽകുന്നതും എല്ലാ കക്ഷികൾക്കും സ്വീകാര്യവുമായിരിക്കണമെന്നും കോടതി നിർദേശിച്ചു. നാലാഴ്ചയ്ക്കുള്ളിൽ ഇത് പൂർത്തിയാക്കണം. കേസ് സെപ്റ്റംബർ11 ന് പരിഗണിക്കുമെന്നും കോടതി അറിയിച്ചു.