പത്തനംതിട്ട: റാന്നി ചെറുകുളഞ്ഞിയില്‍ നിന്ന് കാണാതായ കുട്ടിയെ ഒരു കിലോമീറ്റർ അപ്പുറത്ത് നിന്ന് കണ്ടെത്തി. കുട്ടി സുരക്ഷിതയാണെന്ന് പൊലിസ് അറിയിച്ചു. പത്ത് വയസുകാരിയെ ഇന്ന് രാവിലെ 9 മണി മുതലാണ് കാണാതായത്. ഉടൻ നടത്തിയ അന്വേഷണത്തിലാണ് കുട്ടിയെ കണ്ടെത്തിയത്. പൊലിസ് ഉടൻ കുട്ടിയുടെ ഫോട്ടോ ഉൾപ്പെട്ട വാർത്താ കുറിപ്പ് പുറത്തിറക്കി അന്വേഷണം തുടങ്ങിയിരുന്നു.

രാവിലെയാണ് കുട്ടിയെ കാണാതായ വാർത്ത പരന്നത്. കുട്ടിക്ക് ഭക്ഷണം നല്‍കിയതിന് ശേഷം മുത്തശ്ശി അടുക്കളയില്‍ പോയി തിരികെ വന്നപ്പോള്‍ കുട്ടിയെ കാണാതാവുകയായിരുന്നു. സമീപത്ത് തിരച്ചിൽ നടത്തിയെങ്കിലും കണ്ടെത്താനായില്ല. ഉടൻ നാട്ടുകാരെയും പൊലിസിനെയും വിവരം അറിയിക്കുകയായിരുന്നു.

വീട്ടില്‍ നിന്നും ഒരു കിലോമീറ്റര്‍ ദൂരെയുള്ള ഓലിക്കല്‍ എന്ന സ്ഥലത്തുനിന്നാണ് കുട്ടിയെ കണ്ടെത്തിയത്. കുട്ടിയെ കാണാതായ സാഹചര്യത്തില്‍ പൊലീസ് വ്യാപകമായ അന്വേഷണം നടത്തിയിരുന്നു.