5 വര്‍ഷ, 3 വര്‍ഷ എല്‍.എല്‍.ബി പ്രവേശനത്തിന് കേരള എന്‍ട്രന്‍സ് പരീക്ഷ കമ്മീഷണര്‍ ഓണ്‍ലൈന്‍ അപേക്ഷ ക്ഷണിച്ചു. 

• പ്ലസ് ടുക്കാര്‍ക്ക് 5 വര്‍ഷ എല്‍.എല്‍.ബി

ബാച്ചിലര്‍ ബിരുദവും നിയമ ബിരുദവും ചേര്‍ന്നുള്ള 5 വര്‍ഷ പ്രോഗ്രാമാണിത് (ബി.എ എല്‍.എല്‍.ബി, ബിഎ/ ബി.കോം/ ബിബിഎ എല്‍എല്‍ബി ഓണേഴ്‌സ്). 

45 ശതമാനം എങ്കിലും മാര്‍ക്കോട പ്ലസ് ടു/ തുല്യപരീക്ഷ ജയിച്ചവര്‍ക്കും ഫലം കാത്തിരിക്കുന്നവര്‍ക്കും അപേക്ഷിക്കാം. പിന്നാക്ക/ പട്ടിക വിഭാഗക്കാര്‍ക്ക് യഥാക്രമം 42 ശതമാനം / 40 ശതമാനം മാര്‍ക്ക് മതി. 3 വര്‍ഷ പോളിടെക്‌നിക് ഡിപ്ലോമ ഇത്തവ പ്ലസ്ടുവിന് തുല്യമായി പരിഗണിക്കും. 2024 ഡിസംബര്‍ 31ന് 17 വയസ് തികയണം. 

സീറ്റുകള്‍

4 സര്‍ക്കാര്‍ കോളജുകളിലായി (തിരുവനന്തപുരം, എറണാകുളം, തൃശൂര്‍, കോഴിക്കോട്) 360 സീറ്റുണ്ട്. കഴിഞ്ഞവര്‍ഷത്തെ കണക്കനുസരിച്ച് 22 സ്വകാര്യ സ്വാശ്രയ കോളജുകളില്‍ 1620 സീറ്റകളും. 

• ഡിഗ്രി കഴിഞ്ഞവര്‍ക്ക് 3 വര്‍ഷ എല്‍.എല്‍.ബി

45 ശതമാനം എങ്കിലും മാര്‍ക്കോടെ ബിരുദമുള്ളവര്‍ക്കും ഫലം കാത്തിരിക്കുന്നവര്‍ക്കും അപേക്ഷിക്കാം. (പിന്നാക്ക/ പട്ടിക വിഭാഗക്കാര്‍ക്ക് യഥാക്രമം 42 ശതമാനം / 40 ശതമാനം മാര്‍ക്ക് മതി). 

വിദൂര / കറസ്‌പോണ്ടന്‍സ് രീതിയിലെ ബിരുദവും സ്വീകരിക്കും. പക്ഷേ അടിസ്ഥാന യോഗ്യതയില്ലാതെ ഓപ്പണ്‍ യൂണിവേഴ്‌സിറ്റി വഴി നേരിട്ട് ബിരുദമോ, പിജിയോ നേടിയവരെ പരിഗണിക്കില്ല. 

ആകെ 1110 സീറ്റുകളാണുള്ളത്. 4 സര്‍ക്കാര്‍ ലോ കോളജുകളില്‍ 420 സീറ്റുണ്ട്. 11 സ്വകാര്യ കോളജുകളില്‍ 690 സീറ്റും. 

ആര്‍ക്കൊക്കെ അപേക്ഷിക്കാം? 

ഇന്ത്യയില്‍ എവിടെയുള്ളവര്‍ക്കും അപേക്ഷിക്കാം. സംവരണവും ഫീസ് സൗജന്യവും കേരളത്തില്‍ നിന്നുള്ളവര്‍ക്ക് മാത്രം.

അപേക്ഷ

ആഗസ്റ്റ് 2ന് വൈകീട്ട് 5 വരെ അപേക്ഷ സ്വീകരിക്കും. 850 രൂപയാണ് അപേക്ഷ ഫീസ്. പട്ടികവിഭാഗക്കാര്‍ക്ക് 425 രൂപ. പണമടച്ചവര്‍ സ്വദേശം, ജനനതീയതി, ജാതിസംവരണം, വിശേഷസംവരണം എന്നിവയ്ക്കുള്ള രേഖകള്‍, ഫീസിളവിനുള്ള വരുമാന സര്‍ട്ടിഫിക്കറ്റ്, പാസ്‌പോര്‍ട്ട് സൈസ് കളര്‍ ഫോട്ടോ, ഒപ്പ് എന്നിവ ഈ സമയത്തനകം അപ്‌ലോഡ് ചെയ്യണം. 

എന്‍ട്രന്‍സ് പരീക്ഷ അടിസ്ഥാനമാക്കിയാണ് തിരഞ്ഞെടുപ്പ്. കേരളത്തിലെ എല്ലാ ജില്ലകളിലും ആഗസ്റ്റ് 18ന് ഓണ്‍ലൈനായി പരീക്ഷ നടത്തും. രണ്ട് മണിക്കൂറാണ് പരീക്ഷയുടെ ദൈര്‍ഘ്യം. ജനറല്‍ ഇംഗ്ലീഷ് (36), പൊതുവിജ്ഞാനം (27), മാത്സും മാനസികശേഷിയും (15), നിയമപഠനത്തിനുള്ള അഭിരുചി (42), എന്നക്രമത്തില്‍ ആകെ 120 ഒബ്ജക്ടീവ് ചോദ്യങ്ങള്‍. 

ഓരോ ശരിയുത്തരത്തിനും 3 മാര്‍ക്ക്. തെറ്റിന് ഒരു മാര്‍ക്ക് കുറയ്ക്കും. പരീക്ഷയില്‍ 10 ശതമാനം എങ്കിലും മാര്‍ക്ക് നേടുന്നവരെ മാത്രമേ റാങ്ക് പട്ടികയില്‍ ഉള്‍പ്പെടുത്തൂ. പട്ടിക വിഭാഗക്കാര്‍ക്ക് 5 ശതമാനം മതി. 

അപേക്ഷ നല്‍കുന്നതിനും കൂടുതല്‍ വിവരങ്ങള്‍ക്കുമായി www.cee.kerala.gov.in  സന്ദര്‍ശിക്കുക. 

kerala llb entrance application invited last date till august 2

കൂടുതൽ തൊഴിൽ വാർത്തകള്‍ക്ക് ഗ്രൂപ്പിൽ ജോയിന്‍ ചെയ്യുക