നാദാപുരം: അസ്‌ലം വധത്തില്‍ കേസ് അട്ടിമറിക്കാനുള്ള നീക്കം അണിയറയില്‍ നടക്കുന്നതായുള്ള പ്രചാരണങ്ങള്‍ക്കിടെ കേസിന്റെ തുടര്‍ നീക്കങ്ങളെ കുറിച്ച് മുസ്‌ലിം ലീഗ് സംസ്ഥാന നേതാക്കളും പ്രാദേശിക നേതാക്കളും ചര്‍ച്ച നടത്തി. സി.ബി.ഐ അന്വേഷണമടക്കമുള്ള ആവശ്യങ്ങളാണു പ്രധാനമായും ചര്‍ച്ച ചെയ്യപ്പെട്ടത്.
കേസില്‍ ശക്തമായ തെളിവുകളുണ്ടായിട്ടും പ്രതികളെ കണ്ടെത്താത്ത പൊലിസ് നടപടിയില്‍ ലീഗ് നേതൃത്വത്തിനുള്ള അതൃപ്തി സൂപ്പി നരിക്കാട്ടേരിയും സി.വി.എം വാണിമേലും സംസ്ഥാന സെക്രട്ടറി കെ.പി.എ മജീദിനെ നേരില്‍ കണ്ട് അറിയിച്ചു.
സംസ്ഥാന കമ്മിറ്റിയുടെ അനുമതിയോടെ തുടര്‍നടപടികള്‍ കൈക്കൊള്ളാനാണു ചര്‍ച്ചയില്‍ ധാരണയായത്.