ഇന്ത്യയിലെ 24 ദേശീയ നിയമ സര്‍വകലാശാലകളിലെ ബിരുദ, ബിരുദാനന്തര ബിരുദ പ്രോഗ്രാമുകളിലേക്കുള്ള പ്രവേശന പരീക്ഷയാണ് ക്ലാറ്റ് അഥവാ കോമണ്‍ ലോ അഡ്മിഷന്‍ ടെസ്റ്റ്. ക്ലാറ്റ് 2025ലേക്ക് ഒക്ടോബര്‍ 15 വരെ അപേക്ഷിക്കാം. കൂടുതല്‍ വിവരങ്ങള്‍ താഴെ, 

ഇന്ത്യയിലെ നിയമസര്‍വകലാശാലകള്‍, 

ബെംഗളൂരു, കൊല്‍ക്കത്ത, ഹൈദരാബാദ്, ഭോപാല്‍, ജോധ്പൂര്‍, റായ്പൂര്‍, ഗാന്ധിനഗര്‍, ജി.എന്‍.എല്‍.യു സില്‍വാസ കാംപസ്, ലഖ്‌നൗ, പഞ്ചാബ്, പട്‌ന, കൊച്ചി, കട്ടക് (ഒഡിഷ), റാഞ്ചി, ഗുവാഹട്ടി (അസം), വിശാഖപട്ടണം, തിരുച്ചിറപ്പിള്ളി, മുംബൈ, നാഗ്പൂര്‍, ഔറംഗാബാദ്, ഷിംല, ജബല്‍പൂര്‍, സോനിപത് (ഹരിയാണ), ത്രിപുര. 

പ്രോഗ്രാമുകള്‍,

• ബിരുദ പ്രോഗ്രാം

ബിരുദ തലത്തില്‍ അഞ്ചുവര്‍ഷത്തെ, ഇന്റഗ്രേറ്റഡ് ഓണേഴ്‌സ് പ്രോഗ്രാമുകളാണുള്ളത്. ബി.എ എല്‍.എല്‍.ബി (ഓണേഴ്‌സ്) എല്ലാ സര്‍വകലാശാലകളിലുമുണ്ട്. 

• ബിരുദാനന്തര ബിരുദം

ഒരു വര്‍ഷം ദൈര്‍ഘ്യമുള്ള എല്‍.എല്‍.എം ഹരിയാന ഒഴികെയുള്ള എല്ലാ സര്‍വകലാശാലകളിലുമുണ്ട്. 

പ്രവേശന യോഗ്യത

യുജി, പിജി പ്രോഗ്രാമുകളിലെ പ്രവേശനത്തിന് ഉയര്‍ന്ന പ്രായപരിധിയില്ല. യുജി പ്രോഗ്രാം പ്രവേശനം തേടുന്നവര്‍ 10 +2 പരീക്ഷകള്‍ 45 ശതമാനം മാര്‍ക്കോടെ ജയിച്ചിരിക്കണം. പട്ടികവിഭാഗക്കാര്‍ക്ക് 40 ശതമാനം മതി. 

പിജി പ്രവേശനത്തിന് 50 ശതമാനം മാര്‍ക്കോടെ എല്‍.എല്‍.ബി. പട്ടികവിഭാഗത്തിന് 45 ശതമാനം മാര്‍ക്ക് മതി. 

2025 ഏപ്രില്‍ / മേയ് മാസങ്ങളില്‍, യോഗ്യയത പരീക്ഷ അഭിമുഖീകരിക്കുന്നവര്‍ക്ക് അപേക്ഷിക്കാം. 

അപേക്ഷ ഉദ്യോഗാര്‍ഥികള്‍ക്ക് consortiumofnlus.ac.in വഴി ഒക്ടോബര്‍ 15ന് രാത്രി 11.59 വരെ അപേക്ഷിക്കാം. അപേക്ഷ ഫീസ് 4000 രൂപ. ( പട്ടികവിഭാഗക്കാര്‍ / ദാരിദ്ര്യരേഖയ്ക്ക് താഴെയുള്ളവര്‍ എന്നിവര്‍ക്ക് 3500 രൂപ).  മുന്‍ വര്‍ഷങ്ങളിലെ ചോദ്യപേപ്പറുകള്‍ 500 രൂപ അധികമായി വാങ്ങാം. 

clat admission 2025 application invited

കൂടുതൽ തൊഴിൽ വാർത്തകള്‍ക്ക് ഗ്രൂപ്പിൽ ജോയിന്‍ ചെയ്യുക