കൊച്ചി: നെട്ടൂരില്‍ പ്ലസ് വണ്‍ വിദ്യാര്‍ഥി കായലില്‍ വീണു. 16 വയസുള്ള ഫിദ മാലിന്യം കളയാനായി കായലിനരികിലേക്കു പോയപ്പോഴാണ് കായലില്‍ വീണത്. കാല്‍ വഴുതി വീഴുകയായിരുന്നു. രാവിലെ ആറരയ്ക്കാണ് സംഭവം.

കായലില്‍ സ്‌കൂബ സംഘവും ഫയര്‍ഫോഴ്‌സും തിരച്ചില്‍ നടത്തുന്നുണ്ട്. ചെറു വള്ളങ്ങളില്‍ നാട്ടുകാരും തിരച്ചില്‍ നടത്തുന്നുണ്ട്. നിലമ്പൂര്‍ സ്വദേശികളായ ഈ കുടുംബം മാസങ്ങളായി നെട്ടൂരില്‍ താമസിച്ചു വരുകയാണ്. പനങ്ങാട് സ്‌കൂളിലെ വിദ്യാര്‍ഥിയാണ് ഫിദ.