താനെ: മഹാരാഷ്ട്ര മുന്‍ മുഖ്യമന്ത്രി ഉദ്ധവ് താക്കറെയുടെ വാഹനവ്യൂഹത്തിന് നേരേ ആക്രമണം. താനെയില്‍വെച്ചാണ് ആക്രമണമുണ്ടായത്.  അക്രമികള്‍ വാഹന വ്യൂഹത്തിന് നേരെ തേങ്ങയും ചാണകവും എറിഞ്ഞു. മഹാരാഷ്ട്ര നവനിര്‍മാണ്‍സേന (എം.എന്‍.എസ്) നേതാവ് രാജ് താക്കറെയുടെ വാഹനവ്യൂഹത്തിന് നേരെ ആക്രമണമുണ്ടായതിന് പിന്നാലെയായിരുന്നു ഇത്.

വെള്ളിയാഴ്ച്ച രാജ് താക്കറെയുടെ കാറിന് നേരെ അടയ്ക്കയും തക്കാളിയും ഉപയോഗിച്ച് ആക്രമണം നടത്തിയതിനുള്ള മറുപടിയാണിതെന്ന് എംഎന്‍.എസ് പ്രവര്‍ത്തകര്‍ പറഞ്ഞു. സംഭവത്തില്‍ 20 പേരെ കസ്റ്റഡിയിലെടുത്തതായി പൊലിസ് പറഞ്ഞു.